ટીમ ઇન્ડિયાનો પૂર્વ કેપ્ટન મહેન્દ્ર સિંહ ધોની ઘણા સમય પછી પોતાની જૂની હેરસ્ટાઇલમાં જોવા મળ્યો છે. જી હા 2007માં ટીમ ઇન્ડિયાએ T-20 વર્લ્ડ કપ જીત્યા પછી ધોનીએ પોતાના લાંબા વાળને કપાવી દીધા હતા અને હવે ધોની ફરી એકવાર પોતાના જૂના અંદાજમાં દેખાયો હતો.
વાસ્તવમાં ધોનીએ એક એડ શૂટ કરી છે જેમાં જે વૉરિયર અવતારમાં દેખાઈ રહ્યો છે. આ એડમાં તે લાંબા વાળમાં દેખાઈ રહ્યો છે અને બિહારી ભાષા બોલી રહ્યો છે. ગ્રાઉન્ડ પર હંમેશા શાંત રહેનારા ધોનીનો આ ફની અંદાજ જોઈને તેના ફેન્સ ખૂબ ખુશ થઈ રહ્યાં છે.
ઉલ્લેખનીય છે કે ધોની ટેસ્ટ ટીમમાંથી નિવૃત્તિ લઈ ચૂક્યો છે અને હવે માત્ર T-20 તથા વન-ડેમાં જ રમે છે. 6 માર્ચથી શરૂ થવા જઈ રહેલી T-20 ટ્રાઈ-સીરિઝમાં તેને આરામ આપવામાં આવ્યો છે. તેના સ્થાને દિલ્હીના વિકેટકીપર બેટ્સમેન ઋષભ પંતને ટીમમાં સ્થાન આપવામાં આવ્યું છે. આવામાં તે ફેમિલી સાથે પોતાનો નવરાશનો સમય ગાળી રહ્યો છે.