કાર્યવાહી / પૂર્વ ક્રિકેટર વિનોદ કાંબલી ફરી વિવાદમાં, પોલીસે કરી ધરપકડ, જાણો શું છે મામલો

• પૂર્વ ક્રિકેટર વિનોદ કાંબલી ફરી વિવાદમાં
• નશામાં ગાડીને ટક્કર મારી હોવાનો આરોપ
• પોલીસે કરી ધરપકડ, પાછળથી મળ્યા જામીન

ભુતકાળમાં અનેક વિવાદ પેદા કરનાર પૂર્વ ક્રિકેટર વિનોદ કાંબલીએ ફરી એક વાર મોટો કાંડ કરીને લાઈમલાઈટમાં આવ્યો છે. મુંબઈની બાન્દ્ર પોલીસે નશામાં બીજાની ગાડીને ટક્કર  મારવાના આરોપમાં વિનોદ કાંબલીની ધરપકડ કરી હતી જોકે પાછળથી તેને જામીન પર મુક્ત કરી દીધો હતો. 

આ વખતે શું વિવાદ પેદા કર્યો કાંબલીએ 

રવિવારે બપોરે કાંબલીએ મુંબઇમાં પોતાની સોસાયટીના ગેટ પર એક કાર સાથે અથડાવી દીધી હતી.આ ઘટના બની ત્યારે કાંબલી નશામાં હતો. આવું કરવા છતાં માફી માગવાને બદલે કાંબલીએ ગેટ પર ચોકીદાર અને સોસાયટીના કેટલાક સભ્યો સાથે પણ દલીલો કરીને વાતાવરણ ઉગ્ર બનાવી મૂક્યું હતું. પોલીસે આ આરોપમાં તેમની ધરપકડ કરી છે. આ ઘટના બાદ પૂર્વ ભારતીય ક્રિકેટર કાંબલીએ ગેટ પર ચોકીદાર અને સોસાયટીના કેટલાક સભ્યો સાથે પણ દલીલો કરી હતી.

Vinod Kambli was arrested and was released on bail. His medical examination has been done at Bhabha hospital and his blood sample has also been preserved for CA: Mumbai Police

— ANI (@ANI) February 27, 2022

બાંદ્રા પોલીસે ધરપકડ કરીને છોડી મૂક્યો 
બાંદ્રા પોલીસ સ્ટેશનના એક અધિકારીએ જણાવ્યું હતું કે વિનોદ કાંબલી પર આઈપીસીની કલમ 279 (બેફામ ડ્રાઇવિંગ), 336 (અન્યના જીવન અથવા વ્યક્તિગત સલામતીને જોખમમાં મૂકવી) અને 427 (નુકસાન પહોંચાડવું) હેઠળ આરોપ મૂકવામાં આવ્યો છે. 50 વર્ષીય આ ખેલાડીએ ક્રિકેટમાં અનેક રેકોર્ડ પણ પોતાના નામે કર્યા છે. તે સચિન તેંડુલકરનો બાળપણનો મિત્ર છે.

વિનોદ કાંબલીનો ભુતકાળ ઘણો વિવાદાસ્પદ રહ્યો છે 
વિનોદ કાંબલી ભૂતકાળમાં પણ ઘણા વિવાદોને કારણે ચર્ચામાં રહ્યા છે. વર્ષ 2015માં તેની અને તેની પત્ની પર નોકરાણીએ ત્રાસ આપવાનો આરોપ લગાવ્યો હતો. બંને સામે એફઆઈઆર પણ નોંધાઈ હતી. બાદમાં કાંબલી અને તેની પત્ની હેવિટે નોકરાણી પર ડ્રગ્સ લેવાનો આરોપ લગાવ્યો હતો.

વિનોદ કાંબલીની ક્રિકેટ કેરિયર 

ભૂતપૂર્વ ભારતીય ક્રિકેટર વિનોદ કાંબલીએ તેની કારકિર્દીમાં 17 ટેસ્ટ રમી હતી. તેણે 54ની એવરેજથી 1084 રન બનાવ્યા હતા. 4 સદી અને 3 અડધી સદી. 227નો સ્કોર તેનો સર્વશ્રેષ્ઠ સ્કોર છે. વન ડેની વાત કરીએ તો તેણે 97 ઇનિંગ્સમાં 33ની એવરેજથી 2477 રન બનાવ્યા છે. તેણે 2 સદી અને 14 સદી ફટકારી છે. તેણે 206 રનની સૌથી મોટી ઈનિંગ રમી હતી. તે ભારત માટે વનડે વર્લ્ડ કપમાં પણ દેખાઈ ચૂક્યો છે. તેણે ફર્સ્ટ ક્લાસ ક્રિકેટમાં 35 સદી સાથે 9965 રન ફટકાર્યા હતા.