બ્રેકિંગ / ગુજરાત યુનિ. એનિમેશન વિભાગના પૂર્વ વડાની ધરપકડ, જાણો શું હતો સમગ્ર કેસ

ગુજરાત યુનિવર્સિટી વધુ એક વખત વિવાદમાં આવી છે. જેમાં ગુજરાત યુનિવર્સિટી એનિમેશન વિભાગના પૂર્વ વડા સામે પોલીસ ફરિયાદનો કેસ દાખલ કરવામાં આવ્યો છે. ત્યારે ફરિયાદને લઇ એનિમેશન ડિપાર્ટમેન્ટના પૂર્વ વડા ડો. કમલજીત લખતરિયાની ક્રાઇમ બ્રાન્ચે ધરપકડ કરી હતી.

સંબંધીઓના ખાતામાં પૈસા ટ્રાન્સફર કરાવ્યા

મળતી માહિતી મુજબ કમલજીત લખતરિયા એ 4.9 કરોડનું યુનિવર્સિટીને આર્થિક નુકસાન પહોંચાડ્યું હતું. 1.15 કરોડ પોતાના સંબંધીઓના ખાતામાં ટ્રાન્સફર કરાવ્યા હતા. ગુજરાત યુનિવર્સિટીના કમ્પ્યુટર સાયન્સ વિભાગના પ્રોફેસર ડૉ. કમલજિત લખતરીયાને એનિમેશન ડિપાર્ટમેન્ટના કોઓર્ડિનેટર બનાવાયા હતા. જોકે કમ્પ્યુટર સાયન્સ વિભાગમાં અનેક હાયર પેમેન્ટના કોર્સ ચાલે છે.

આ પણ વાંચો: સુરત એરપોર્ટ પર લોકો પ્લેનને ધક્કો મારતો વીડિયો સોશિયલ મીડિયા પર વાયરલ, જાણો સચ્ચાઈ

ત્યારે ગત વર્ષે નવા આવેલા કુલપતિએ તેમની પાસેથી કોર્સીસની અને કોર્સીસની નોલેજ પાર્ટનર એજન્સી-કંપનીઓને લગતા હિસાબો-ચેકબુક સહિતના ડોક્યુમેન્ટસ માંગ્યા હતા. અને નાણાકીય ગોટાળાની તપાસ માટે સીએને તપાસ સોંપવામાં આવી હતી. સમગ્ર ઘટનામાં યુનિવર્સિટીએ ખાતાકીય તપાસમાં 1.5 કરોડથી વધુની ગેરરીતિ પ્રકાશમાં આવી હતી. જેમાં ડો. કમલજી લખતરિયાને ટર્મિનેટ કરવાનો નિર્ણય કરાયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ