કોંગ્રેસ અને ભાજપના નેતાઓને હવે મમતા બેનરજીની આગેવાની વાળી ટીએમસીમાં ભવિષ્ય દેખાઈ રહ્યું છે.
કોંગ્રેસ અને ભાજપના નેતાઓ ટીએમસીમાં જોડાઈ રહ્યાં છે
ગોવાના પૂર્વ મુખ્યમંત્રી લુઈજિન્હો ફલેરિયો મમતાની પાર્ટીમાં જોડાયા
ફલેરિયો અને બીજા 10 નેતાઓએ ટીએમસીનું સભ્યપદ સ્વીકાર્યું
ગોવાના પૂર્વ મુખ્યમંત્રી અને બે દિવસ પહેલા કોંગ્રેસમાંથી રાજીનામું આપનાર સિનિયર નેતા લુઈજિન્હો ફલેરિયો મમતા બેનરજીની પાર્ટી ટીએમેસીમાં સામેલ થયા છે. ફલેરિયો અને બીજા 10 નેતાઓએ ટીએમસીનું સભ્યપદ સ્વીકાર્યું હતું. આ પહેલા કોંગ્રેસ છોડવાની જાહેરાત સાથે જ ફલેરિયોએ મુખ્યમંત્રી મમતા બેનરજીના મોકળા મને વખાણ કર્યાં હતા.
કોંગ્રેસમાં કોઈ આશા દેખાતી નથી
લુઈજિન્હો ફલેરિયોએ કોંગ્રેસ અધ્યક્ષ સોનિયા ગાંધીને પત્ર લખીને જણાવ્યું કે મને કોંગ્રેસ પાર્ટીને નબળી થતી રોકવાની તથા તેમાં ફેરફારની કોઈ તક દેખાતી નથી. ફલેરિયાના રાજીનામા બાદ હવે 40 સભ્યોની ગોવા વિધાનસભામાં કોંગ્રેસના ફક્ત ચાર ધારાસભ્યો રહ્યાં છે. તેમણે એવી જાહેરાત કરી કે ટીએમસી ગોવામાં ચૂંટણી લડશે અને સીએમ ઉમેદવાર પણ ઊભો રાખશે.
બે દિવસ પહેલા કોંગ્રેસમાંથી આપ્યું હતું રાજીનામુ
લુઈજિન્હો ફલેરિયોએ હજુ બે દિવસ પહેલા કોંગ્રેસમાંથી આપ્યું હતું રાજીનામુ આપ્યું હતું. કોંગ્રેસ છોડતી વખતે તેમણે મમતા બેનરજીના ખૂબ વખાણ કરીને પાર્ટીમાં જોડાવાનો સંકેત પણ આપ્યો હતો. ઉલ્લેખનીય છે કે દેશની સૌથી જુની પાર્ટી કોંગ્રેસમાં હવે રાષ્ટ્રીય સ્તરે ઘમાસાણ શરુ થયું છે. પૂર્વ કેન્દ્રીય મંત્રી અને સિનિયર નેતા કપિલ સિબ્બલે સીધું હાઈકમાન્ડ પર નિશાન તાક્યું છે.