પુતિનના મગજમાં ચાલતી બાબતો વિશે ગુપ્તચર એજન્સીઓ પાસે ભલે ગમે તેટલી માહિતી હોય પરંતુ પુતિનને ખૂબ જ નજીકથી જાણતી આ પૂર્વ મહિલા જાસૂસ દ્વારા કરવામાં આવેલો ખુલાસો ખરેખર હેરાન કરી મૂકનારો છે.
પુતિન કોઈ પણ હદ સુધી જઈ શકે : પૂર્વ મહિલા જાસૂસ
પૂર્વ મહિલા જાસૂસ આલિયા હાલમાં કેલિફોર્નિયામાં રહે છે
આલિયા અને પુતિનને એક જ મિલિટરી પ્રોગ્રામ હેઠળ તાલીમ અપાયેલી
પુતિનના મગજમાં ચાલતી બાબતો વિશે ગુપ્તચર એજન્સીઓ પાસે ભલે ગમે તેટલી માહિતી હોય પરંતુ પુતિનને ખૂબ જ નજીકથી જાણતી આ પૂર્વ મહિલા જાસૂસ દ્વારા કરવામાં આવેલો ખુલાસો ખરેખર હેરાન કરી મૂકનારો છે. રશિયા-યુક્રેન વચ્ચેનું યુદ્ધ રોકાવાનું નામ નથી લઇ રહ્યું. પુતિન કે ઝેલેન્સ્કી બંનેમાંથી કોઇ પણ નેતા એકબીજા સામે ઝૂકવા તૈયાર નથી. જો કે તેનું પરિણામ યુક્રેનની સામાન્ય જનતાએ ભોગવવું પડી રહ્યું છે.
રશિયાના રાષ્ટ્રપતિ પુતિનની સાથી રહી ચુકેલી એક મહિલા સિક્રેટ એજન્ટે એવો દાવો કર્યો છે કે, આ યુદ્ધ જીતવા માટે પુતિન કોઈ પણ હદ સુધી જઈ શકે છે. આલિયા રોઝા નામની ભૂતપૂર્વ એજન્ટ હાલમાં કેલિફોર્નિયામાં રહે છે. આલિયાએ પુતિન સાથે સૈન્યમાં જાસૂસીની તાલીમ લીધી છે અને તે તેને ખૂબ નજીકથી ઓળખે છે. તેણી કહી રહી છે કે, પુતિન હારી જ ના શકે અને જીતવા માટે તે કોઈ પણ હદ સુધી જઇ શકે છે.
હાલમાં આલિયા કેલિફોર્નિયામાં એક આલીશાન બંગલામાં રહે છે
આલિયા હાલમાં કેલિફોર્નિયામાં લગભગ 15 મિલિયન પાઉન્ડ એટલે કે લગભગ દોઢ અબજ રૂપિયાના આલીશાન બંગલામાં રહે છે અને એક મિલિયન ડોલરના ફેશન બિઝનેસની તે માલિક છે. આલિયા એક રશિયન મિલિટરી જનરલની પુત્રી છે અને એક સમયે તે રશિયા માટે જાસૂસ તરીકે પણ કામ કરતી હતી.
પોતાની સુંદરતાની મદદથી આલિયા પોતાના દુશ્મન દેશોના અધિકારીઓને આકર્ષિત કરતી અને પછી તે પોતાના દેશની સુરક્ષા માટે ગુપ્ત માહિતી એકત્ર કરતી. તેમ છતાં, આલિયાના ઘણા મિત્રો અને તેમના પરિવારો રશિયા અને યુક્રેન એમ બંનેમાં રહે છે, જ્યારે તે પોતે અમેરિકામાં રહે છે. પરંતુ આ વખતે તેણે પુતિન વિશે ચોંકાવનારા જે દાવા કર્યા છે તેનાથી સૌ કોઇ પરેશાન છે. આલિયાએ પોતે જ જણાવ્યું છે કે, કારણ કે તે પુતિનના વ્યક્તિત્વના આ પાસાંને ખૂબ જ નજીકથી જાણે છે, આથી તે પોતે આ બાબતે ખૂબ જ ચિંતામાં છે.
પુતિને શીખવ્યું - કેવી રીતે રહસ્ય બહાર કઢાવું?
આલિયા રોઝા અને પુતિનને રશિયામાં એક જ મિલિટરી પ્રોગ્રામ હેઠળ તાલીમ આપવામાં આવી હતી. આ ટ્રેનિંગમાં તેને એ પણ શીખવવામાં આવ્યું હતું કે, કેવી રીતે ખૂબ જ મુશ્કેલ પરિસ્થિતિઓમાં પણ શાંતિથી કામ કરવું. જો આલિયાની વાત માનીએ તો, પુતિને પોતે જ તેને શીખવ્યું હતું કે કેવી રીતે પુરુષોને આકર્ષિત કરવા અને કેવી રીતે તેમના રહસ્યો બહાર કઢાવવા.
આલિયાના કહેવા મુજબ, પુતિન પોતે પણ આ મામલે બરાબર અટવાઇ ગયા છે અને યુક્રેન સાથેના યુદ્ધ દરમિયાન પણ તેમના ચહેરા પર કોઈ ખાસ ટેન્શન નથી દેખાઇ રહ્યું. પરંતુ એ પણ હકીકત છે કે, પુતિનને જીતવાની આદત છે અને તેઓ કોઈ પણ કિંમતે હાર નહીં માને. કારણ કે તેમને લાગે છે કે, તેનાથી તેમની વિશ્વસનીયતા બગડશે અને આ જ કારણ છે કે, તેઓ કહી રહ્યાં છે કે પુતિન આ યુદ્ધ જીતવા માટે તમામ હદો પાર કરશે. બીજી વાત એ છે કે, આ સમયે યુક્રેનમાં રશિયન સેના જે પ્રકારના વિરોધનો સામનો કરી રહી છે તેનાથી તેમને ઘણી મુશ્કેલી થઈ રહી છે.
પુતિનનું વલણ સ્પષ્ટ છે, તેઓ કોઈ પણ કિંમતે હાર નહીં માને
આલિયા રોઝાનું કહેવું છે કે, પુતિનનું વલણ કેટલીક બાબતો પર સ્પષ્ટ છે. તેઓ નાટો દેશોને કોઈ પણ ભોગે યુક્રેનમાં પોતાના શસ્ત્રો કે સૈનિકો તૈનાત કરતા રોકવા માંગે છે અને એ માટે તેઓ કોઈ પણ હદ સુધી જઈ શકે છે. એમાંય ખાસ બાબત તો એ છે કે, આ વખતે યુક્રેન જે રીતે રશિયા સામે મક્કમતાથી લડ્યું છે અને જે રીતે નાટો દેશો તેને સમર્થન આપી રહ્યાં છે તે પુતિન માટે ચોક્કસપણે થોડુંક નવું જરૂર છે.