ફેશન સ્ટાઈલ / દિવસ અને રંગના આધારે સાડી પહેરતાં સુષમા સ્વરાજ, આવી હતી ફેશન સ્ટાઈલ

અહીં એક વાત ઉલ્લેખનીય છે કે તેઓએ ક્યારેય કોઈની ફેશન કોપી કરી નથી. તેમની પોતાની એક અલગ સ્ટાઈલ હતી. સુષમા દિવસ અને તેને રીલેટેડ રંગના આધારે સાડી પહેરતાં. જ્યોતિષ અને રત્નોમાં તેમનો અતૂટ વિશ્વાસ હતો. ફેશનની સાથે ફૂડમાં પણ સુષમા કલર અને દિવસનું ધ્યાન રાખતા.

સાડી સાથે જેકેટ તો ખરૂ જ:
તમે અનેક વાર સુષમાને સાડીની સાથે જેકેટ અને શોલ રાખતા જોયા હશે. જે તેમની અલગ સ્ટાઈલ  દેખાડી દેતા. સાડીને સ્લીવ્સ વિનાના જેકેટ સાથે પણ પહેરવાનું તેમને પસંદ હતું. જેવો સાડીનો રંગ તેવો જ જેકેટનો રંગ. કદાચ કહી શકાય કે સુષમાની સ્ટાઈલ તેમની સિગ્નેચર સ્ટાઈલ હતી. તેમના પર આ લૂક ઓપતો પણ હતો. ક્લાસીક સ્ટાઈલ મેન્ટેન કરનારી સુષમાના વોર્ડરોબમાં ખાસ કરીને કોટન અને સિલ્કની સાડીઓનું કલેક્શન જોવા મળતું.

સાડી સાથે આ ચીજો અચૂક પહેરતા:
સુષમા સાડીની સાથે ગળામાં કાળા મોતીની માળ, એક હાથમાં ઘડિયાળ અને અન્ય હાથમાં 2 કડા પહેરવાનું પસંદ કરતા. ઘરની બહાર નીકળતી સમયે બ્લેક સનગ્લાસીસમાં તેમનો લૂક કંઈક અલગ જ દેખાતો. કપાળમાં ગોળ લાલ ચાંલ્લો અને સાથે સેંથામાં સિંદૂર સુષમાને લોકપ્રિય બનાવતું. તહેવારોના સમયમાં સુષમાને તૈયાર થવું પણ પસંદ હતું.