દ્વારકાના પૂર્વ ધારાસભ્ય પબુભા માણેકનો વીડિયો વાયરલ થયો છે. વીડિયોમાં પબુભા માણેક RTI એક્ટિવિસ્ટને ધમકી આપી રહ્યા છે. RTI એક્ટિવિસ્ટે સુરજકરાડી ગામના વિકાસના કામોની માહિતી માગી હતી. ત્યારે દ્વારકા નગર પાલિકામાં ભ્રષ્ટાચાર બાબતે RTI થતા પબુભા માણેક રોષે ભરાયા હતા. અને માહિતી માગનારને ધમકી આપતા કહ્યું કે, જે લોકો આવી માહિતી માગતા હોય તે લોકો સુધરી જાય તમારાથી કંઇ નથી થવાનું. અને જો તીસરી આંખ ખુલશે તો શિવ શિવ થશે. ત્યારે આ વીડિયોને લઇ દ્વારકામાં માહોલ ગરમાયો છે. ત્યારે વીડિયો વાયરલ થતા RTI એક્ટિવિસ્ટે પોલીસ રક્ષણ આપવા રજૂઆત કરી છે.