ગુજરાતના પૂર્વ ચીફ સેક્રેટરી અનિલ મુકીમની ગુજરાત વિદ્યુત નિયંત્રક આયોગ (GERC)ના ચેરપર્સન તરીકે કરાઈ નિમણૂક
ગુજરાત ઈલેક્ટ્રીસીટી રેગ્યુલેટરી કમિશનના ચેર પર્સનની નિમણૂંક
અનિલ મુકિમની GERCના ચેર પર્સન તરીકેનો ચાર્જ સોંપવામાં આવ્યો
ગુજરાતના પૂર્વ મુખ્ય સચિવ અનીલ મુકિમને ફરી એક વખત મહત્વની જવાબદારી સોંપાઈ છે. રાજ્ય સરકાર દ્વારા નોટિફિકેશન બહાર પાડી જાણકારી આપી છે કે અનિલ મુકિમની ગુજરાત વિદ્યુત નિયંત્રક આયોગ (GERC) ના ચેરપર્સન તરીકે નિમણૂંક આપવામાં આવી છે.
શું છે GERC?
ભારતમાં વિદ્યુત નિયંત્રક આયોગની સંસ્થા તેની મૂળ રચના માટે કેન્દ્ર અને રાજ્યોના આયોગો માટે જોગવાઈ કરાયેલ 1998ના વિદ્યુત નિયંત્રક આયોગ (GERC) અધિનિયમ હેઠળ છે. આ અધિનિયમની જોગવાઈઓ અન્વયે ગુજરાત સરકારે નવેમ્બર 1998માં ગુજરાત વિદ્યુત નિયંત્રક આયોગ (Gujarat Electricity Regulatory Commission)ની સ્થાપના કરી હતી. આ આયોગ અર્ધ-અદાલતી સંસ્થા છે જે અધ્યક્ષ અને બે સભ્યોની બનેલી હોય છે. 2003ના વીજળી અધિનિયમમાં ગુજરાત વિદ્યુત નિયંત્રક આયોગનું ક્ષેત્ર નોંધપાત્ર પ્રમાણમાં વિસ્તૃત કરાયું છે. 2003ના નવા કાયદાએ વીજળી ક્ષેત્રમાં, કાર્યક્ષમતા અને અર્થવ્યવસ્થાને પુરસ્કૃત કરવા અને ગ્રાહકોના હિતોના રક્ષણ માટેનું પર્યાવરણ ઊભું કરવા પ્રશુલ્ક નિર્ધારણ ઉપરાંત વિવિધ જવાબદારીઓ / કાર્યો આયોગને સોંપ્યા છે.
કોણ છે અનિલ મુકીમ
1985 બેચના IAS અધિકારી
કેન્દ્રમાં ખાણ ખનિજ વિભાગમાં સચિવ તરીકે ફરજ બજાવી
PM નરેન્દ્ર મોદી મુખ્યમંત્રી કાર્યકાળ દરમિયાન મહત્વની જવાબદારી સંભાળી
નાણાં,મહેસૂલ વિભાગ ઉપરાંત સામાન્ય વહીવટ વિભાગમાં ફરજ અદા કરી
વર્ષ 2018માં કેન્દ્રમાં ડેપ્યુટેશન પર મૂકાયા
વર્ષ 2019ના અંતમાં ગુજરાતના નવા CS પર નિયુક્ત થયા
અનિલ મુકીમ ગત ઓગસ્ટમાં ચીફ સેક્રેટરી પદેથી થયા નિવૃત
ઉલ્લેખનીય છે કે ગુજરાત કેડરના 1985ની બેચના અધિકારી મુકીમ ગત ઓગસ્ટમાં રાજ્યના ચીફ સેક્રેટરી પદેસેવાનિવૃત થયા હતા. સેવાનિવૃતી બાદ છ મહિના કરતા પણ વધારેનો કાર્યકાળ મેળવનાર મુકિમ ગુજરાતના ઈતિહાસમાં પહેલા મુખ્ય સચિવ બન્યાં હતા. ઉલ્લેખનીય છે કે તેમની જગ્યાએ IAS અધિકારી પંકજ કુમારની મુખ્ય સચિવ તરીકે નિમણૂક કરાઈ હતી.