રાજકોટમાં પૂર્વ કોર્પોરેટર અને મહિલા અધિકારી વચ્ચે ઇલુ ઇલુ હોવાની ચર્ચાએ જોર પકડ્યું
પૂર્વ કોર્પોરેટરનું મહિલા અધિકારી સાથે પ્રેમ પ્રકરણ
પ્રેમ પ્રકરણ સામે નવા કોર્પોરેટર આવ્યા મેદાનમાં
મહિલા અધિકારીની બદલી રોકવા કરાયો પ્રયાસ
રાજકોટમાં પૂર્વ કોર્પોરેટર અને મહિલા અધિકારી વચ્ચે પ્રેમ સંબંધનો મુદ્દો ચર્ચાનો વિષય બન્યો છે. ભાજપના પૂર્વ કોર્પોરેટરનું મહિલા અધિકારી સાથે ઇલુ ઇલુ હોવાની વાતો વહેતી થઇ છે. વળી પૂર્વ કોર્પોરેટરને ભાજપના જૂના જૂથનો સાથ હોવાની પણ વાત સામે આવી છે. જો કે આ વાત છેક પ્રદેશ સુધી પહોંચી ગઇ છે.
મહિલા અધિકારીની કરાઇ બદલી
રાજકોટ મનપામાં ભાજપમાં પૂર્વ કોર્પોરેટરનું પ્રેમ પ્રકરણ ટૉક ઓફ ધ ટાઉન બન્યુ છે. તેઓનું સેનેટરી વિભાગના એક મહિલા ઑફિસર સાથે ઇલુ ઇલુ હોવાની ચર્ચા વેગવંતી બની હતી. આ મહિલા ઑફિસરની બદલી ન કરવા માટે પૂર્વ કોર્પોરેટર દ્વારા દબાણ કરાતુ હોવાની પણ વાતો સામે આવી છે. ત્યારે ભાજપના જૂના કોર્પોરેટર સામે નવા ચૂંટાયેલા કોર્પોરેટરે વિરોધ નોંધાવી મ્યુનિસિપલ કમિશન સુધી વાત પહોંચાડી છે. અંતે સેનેટરી વિભાગના મહિલા ઑફિસરની બદલી કરવામાં આવી હતી.
પૂર્વ કોર્પોરેટર છતાં વોર્ડના કોર્પોરેટર જેવો રુવાબ
ભાજપના પૂર્વ કોર્પોરેટરને ભાજપના જ એક જૂથનો ટેકો હોવાથી તેઓ મનપાની કોઇ પણ બેઠક હોય તેમાં તેઓનો દબદબો યથાવત જોવા મળતો હતો. તેઓ પર એવો પણ આક્ષેપ થયો છે કે તેઓ કોર્પોરેટર જેવો રુઆબ બતાવે છે. જો કે આ મામલો મ્યુનિસિપલ કમિશનર સુધી પહોંચ્યો હતો. અને ભાજપના વર્તુળમાં આ ચર્ચાએ જોર પકડ્યુ હતું. સૂત્રો તરફથી મળતી માહિતી મુજબ મહિલા સેનેટરી ઇન્સપેક્ટર જે વર્ષોથી સેનેટરી વિભાગમાં ફરજ નિભાવે છે તેઓ પરિણીત છે, પૂર્વ કોર્પોરેટર પણ પરિણીત હોવા છતાં બંને વચ્ચે પ્રણય સંબંધો ખીલ્યા હોવાનુ સામે આવ્યુ હતું. જો કે ગત ચૂંટણીમાં પૂર્વ કોર્પોરેટરનું પત્તુ કપાઇ ગયુ પરંતુ બંને વચ્ચે પ્રેમ કહાની ચાલુ જ રહેતા વર્તમાન કોર્પોરેટર દ્વારા મેયર અને મ્યુનિસિપલ કમિશનરને રજૂઆત કરી હતી.