ચૂંટણી / કોંગ્રેસના પૂર્વ પ્રદેશ પ્રમુખની હવે અપક્ષમાંથી ઉમેદવારી, આ બેઠક પર 'કાંટે કી ટક્કર'
લોકસભાની ચૂંટણી હવે આંગણે આવી છે ત્યારે તમામ પક્ષોમાં નારાજગી અને પક્ષપલટાની સિઝન આવી છે ત્યારે નેતાઓ ટિકિટને લઇને નારાજ છો તો કોઇ પદને લઇને નારાજ છે. તેવામાં મોહન ડેલકરે કોંગ્રેસ છોડીને અપક્ષમાંથી લડવાનું નક્કી કર્યું છે. તેમણે અપક્ષ ઉમેદવાર તરીકે પોતાની ઉમેદવારી નોંધાવી છે.
વલસાડ: સંઘપ્રદેશની દાદરા-નગર હવેલી બેઠક પરથી કોંગ્રેસના પૂર્વપ્રદેશ પ્રમુખ મોહન ડેલકરે અપક્ષ ઉમેદવારી નોંધાવી છે. તેઓએ પ્રમુખ પદ પરથી રાજીનામું આપી અને અપક્ષ ઉમેદવાર તરીકે ચૂંટણી જંગમાં ઝંપલાવ્યું છે. સેલવાસના આદિવાસી ભવન પરથી મોહન ડેલકર રેલી સ્વરૂપે કલેક્ટર કચેરી પહોંચ્યા હતા. તેઓ છ વખત ચૂંટણી લડી ચૂક્યા છે. અત્યાર સુધી તેઓ 3 વખત અપક્ષ અને ભાજપ અને કોંગ્રેસના સિમ્બોલ પરથી પણ ચૂંટણીમાં લડી અને વિજેતા થઇ ચૂકયા છે.
ત્યારે ફરી એક વખત મોહન ડેલકરે કોંગ્રેસ છોડી અપક્ષ ઉમેદવાર તરીકે ઉમેદવારી કરતા ચૂંટણીનો જંગ રસપ્રદ બન્યો છે. તેમણે આ બેઠક પરથી જંગી લીડથી જીતવાનો આશાવાદ વ્યક્ત કર્યો હતો. તેઓ અહીંના પ્રશ્નોની ધારદાર રીતે રજૂઆત કરશે તેવો નિર્ધાર વ્યક્ત કર્યો હતો.
મહત્વ છે કે મોહન ડેલકર દાદરાંનગર હવેલી પ્રદેશ કોંગ્રેસના પ્રદેશ પ્રમુખ હતા. પરંતુ તેઓએ પદ પરથી રાજીનામું આપી અને અપક્ષ ઉમેદવાર તરીકે ચૂંટણી જંગમાં ઝંપલાવ્યું છે. આજે સેલવાસના આદિવાસી ભવન પરથી મોહન ડેલકર રેલી સ્વરૂપે કલેક્ટર કચેરી પહોંચ્યા હતા. ત્યાં તેઓએ અપક્ષ ઉમેદવાર તરીકે ઉમેદવારી નોંધાવી હતી.
