નિવેદન / ભારતની અર્થવ્યવસ્થા 'ICU' માં, વર્તમાન આર્થિક મંદી સાધારણ નથી : અરવિંદ સુબ્રમણ્યમ

• અરવિંદ સુબ્રમણ્યમે ભારતીય અર્થવ્યવસ્થાને લઇને ચિંતા દર્શાવી
• અરવિંદ સુબ્રમણ્યમે કહ્યું, ભારત 'ગંભીર આર્થિક મંદી' માં છે
• અર્થવ્યવસ્થા ICU માં જઇ રહી છે : અરવિંદ સુબ્રમણ્યમ

સુબ્રમણ્યમે આંતરરાષ્ટ્રીય નાણા ભંડોળ ( IMF) ના ભારત ખાતેના કાર્યાલયના પૂર્વ પ્રમુખ જોશ ફેલમેનની સાથે લખવામાં આવેલા નવા રિચર્સ પેપરમાં કહ્યું કે ભારતીય અર્થવ્યવસ્થા આ સમયે બેન્ક, ઇન્ફ્રાસ્ટ્રક્ચર, એનબીએફસી અને રિયલ એસ્ટેટ જેવા 4 ક્ષેત્રોની કંપનીઓના લેખા-જોખાના સંકટનો સામનો કરી રહ્યું છું. 

હાવર્ડ યૂનિવર્સિટીના આંતરરાષ્ટ્રીય વિકાસ કેન્દ્ર માટે તૈયાર ટેક્નિકલ પેપરના ડ્રાફ્ટમાં સુબ્રમણ્યમે લખ્યું કે નિશ્ચિત રૂપે આ એક સાધારણ મંદી નથી. ભારતમાં ગંભીર આર્થિક મંદી છે અને અર્થવ્યવસ્થા એવું લાગે છે કે ICU માં જઇ રહી છે. 

સુબ્રમણ્યમે ડિસેમ્બર, 2014માં ટૂઇન બેલેન્સ શીટ સમસ્યાના પ્રતિ ચેતવ્યા હતા. એ સમયે તેઓ નરેન્દ્ર મોદી સરકારના મુખ્ય આર્થિક સલાહકાર હતા. તેઓએ ત્યારે કહ્યું હતું કે ખાનગી કંપનીઓ પર વધતુ દેવું બેન્કો માટે ચિંતાનું કારણ બની રહ્યું છે.