છત્તીસગઢના પૂર્વ મુખ્યમંત્રી અજીત જોગીના દિકરા અમિત જોગીની ધરપકડ કરવામાં આવી છે. પૂર્વ ધારાસભ્ય અમિત જોગીની છેતરપિડીં કેસમાં ધરપકડ કરવામાં આવી છે. પોલીસે મરવાહી સદનથી અમિત જોગીની ધરપકડ કરી છે.
જો કે આ દરમિયાન અમિત જોગીના બંગલા પર મોટી સંખ્યામાં સમર્થકો હાજર રહ્યાં. અમિત જોગીના સમર્થકોએ પોલીસ અને તંત્ર વિરુધ્ધ સૂત્રોચ્ચાર કર્યા.
છત્તીસગઢના પૂર્વ મુખ્યમંત્રી અજીત જોગીના દિકરા અમિત જોગ જ્યારે ધારાસભ્ય હતા ત્યારે 3 ફેબ્રુઆરી 2018ના રોજ તેમના વિરુધ્ધ ગોરેલા પોલીસ સ્ટેશનમાં કેસ દાખલ કરવામાં આવ્યો હતો.
આ મામલો 2013માં મરવાહી વિધાનસભા વિસ્તારમાં ભારતીય જનતા પાર્ટીના ઉમેદવાર રહેલા સમીરા પેકરાએ દાખલ કર્યો હતો. અમિત જોગી વિરુધ્ધ કરાયેલી ફરિયાદમાં અમિત જોગીએ શપથપત્રમાં પોતાનું જન્મસ્થળ ખોટુ બતાવ્યું હતું.
અમિત જોગી વિરુધ્ધ ગોરેલા પોલીસ સ્ટેશનમાં છેતરપિંડી કેસ દાખલ કરવામાં આવ્યો હતો. ચૂંટણીમાં મળેલી હાર બાદ સમીના પેકરાએ કોર્ટમાં અરજી દાખલ કરી અમિત જોગીની જ્ઞાતિ અને જન્મતારીખ ખોટી હોવાનો આરોપ લગાવ્યો હતો.
જેના પર હાઇકોર્ટે 4 દિવસ પહેલા ચૂકાદો આપ્યો હતો કે છત્તીસગઢ વિધાનસભા સત્ર પુરુ થઇ ગયું છે એટલે હવે આ અરજી ફગાવી દેવામાં આવે છે. જો કે ત્યારબાદ સમીરા પેકરાએ ગોરેલા પોલીસ સ્ટેશનમાં જઇ ફરિયાદ દાખલ કરી હતી.
ફરિયાદમાં સમીરાએ કહ્યું છે કે અમિત જોગી ચૂંટણી દરમિયાન આપવામાં આવેલા શપથપત્રમાં પોતાનું જન્મ વર્ષ 1978માં ગ્રામ પંચાયત સારબહાર ગોરેલામાં હોવાનું જણાવ્યું છે, જ્યારે તેમનો જન્મ 1977માં અમેરિકાના ટેક્સાસમાં આવેલા ડગલોસ ખાતે થયો છે.
Chhattisgarh: Police arrests Amit Jogi, son of former Chhattisgarh Chief Minister Ajit Jogi, from his residence in Bilaspur. More details awaited. pic.twitter.com/5e26dyDlBr