થોડા સમય પહેલા પ્રસાર ભારતીના પૂર્વ સીઈઓ જોહર સિરકાર સોશિયલ મીડિયા પર પ્રધાનમંત્રી મોદીની તસ્વીર શેર કરી વિવાદોમાં ફસાઈ ગયા છે.
થોડા સમય પહેલા વાયરલ થઈ હતી આ તસ્વીર
PM મોદી નીતા અંબાણીને બે હાથ જોડીને કરી રહ્યા છે પ્રણામ
સામે આવી આ વાયરલ તસ્વીરની હકીકત
પ્રસાર ભારતીના પૂર્વ સીઈઓ જોહર સિરકા સોશિય મીડિયા પર પ્રધાનમંત્રી નરેન્દ્ર મોદીની ફેક તસ્વીર શેર કરી વિવાદોમાં આવી ગયા છે. હકીકતે જોહરે ટ્વિટ કરી પીએમ મોદીની જે તસ્વીર શેર કરી હતી. તેમાં તે નીતા અંબાણીની સામે હાથ જોડીને ઉભા રહેલા જોવા મળી રહ્યા છે. આટલું જ નહીં જોહરે લખ્યું, કે કાશ સાંસદો અને રાજનીતિ સાથે જોડાયેલા અન્ય લોકોને પણ પીએમ પાસેથી આવો આદર મળતો હોત.
શું છે હકીકત?
હકીકચતે સિરકારે જે તસ્વીર શેર કરી છે તે પહેલા પણ વાયરલ થઈ ચુકી છે. આ મોર્ફ્ડ કરેલી તસ્વીર છે. એટલે કે તેમાં કોઈ બીજાની જગ્યા પર નીતા અંબાણીનો ચહેરો લગાવવામાં આવ્યો છે. હકીકતે આ તસ્વીર એનજીઓ ચલાવતા દીપિકા મંડલની છે. પીએમ મોદીએ તેમને સ્માઈલ સાથે પ્રણામ કર્યું હતું.
જોહરે જે તસ્વીર શેર કરી તે ફેક છે
નીતા અંબાણી વાળી આ તસ્વીર શેર કરવાને લઈને પ્રસાર ભારતીના હાલના સીઈઓ શશિ શેખરે તેમને ફટકાર લગાવી છે. તેમણે કહ્યું આ હરકત નિંદનીય અને ખૂબ જ શરમ જનક છે. કે કઈ રીતે આ તસ્વીરને શેર કરવામાં આવી રહી છે. કોઈ વ્યક્તિને પસંદ ન કરવું એક અલગ વાત છે. પરંતુ આ રીતે પબ્લિક બ્રોડકાસ્ટર પર એક પૂર્વ સીઈઓ અને પૂર્વ સંસ્કૃતિ સચિવ ફેક તસ્વીર શેર કરી રહ્યા છે. જે ખૂબ ખરાબ છે.
કોણ છે દીપિકા મંડલ
દીપિકા મંડલ દિવ્યજ્યોતિ કલ્ચર ઓર્ગેનાઈઝેશન એન્ડ વેલફેર સોસાયટી નામથી એનજીઓ ચલાવે છે. તેમના પતિનું નામ સમર મંડળ છે. તે દેશના 8 રાષ્ટ્રપતિઓના ઓફિશ્યલ ફોટોગ્રાફર રહી ચુક્યા છે. પીએમની આ તસ્વીર પ્રણવ મુખર્જીના કાર્યકાળમાં રાષ્ટ્રપતિ ભવનમાં થઈયેલી એક સિવિલ ઈન્વેસ્ટિચર સેરેમની વખતે પાડવામાં આવી હતી.