પૂર્વ બિગ બોસ કન્ટેસ્ટેન્ટ એજાઝ ખાન, ટિકટોક પર એક વિવાદીત વીડિયોને કારણે મુશ્કેલીઓમાં મુકાઇ શકે છે. એજાઝની મુંબઇ સાઇબર ક્રાઇમ પોલીસે ધરપકડ કરી છે. એજાઝ ખાનની એક સાંપ્રદાયિક વીડિયોને કારણે ધરપકડ કરાઇ છે.
સૂત્રો મુજબ, આ મામલામાં એજાઝને જલ્દી જ કોર્ટમાં પ્રસ્તુત કરવામાં આવશે. એજાઝ પર એક વિવાદિત વીડિયો બનાવવા અને તેને પ્રસારિત કરવાનો આરોપ છે.
શું છે મામલો?
એજાઝ ખાને ઝારખંડમા મોબ લિન્ચિંગની ઘટના બાદ TikTokના કેટલાક સ્ટાર્સ સાથે એક વીડિયો બનાવી શેર કર્યો હતો. તેમા મુંબઇ પોલીસનો મજાક ઉડાવતા કહેવામાં આવ્યું હતું કે હવે કોઇ આંતકી બને છે તો કંઇ ન કહેતા.
આપને જણાવીએ કે, 28 જૂને પણ સોશિયલ મીડિયામાં એક વીડિયો શેયર કરી એજાઝ ખાને એક ધર્મ વિશેષના લોકોને કાનૂની કે ગેરકાનૂની રીતે રસ્તા પર ઉતરીને મોબ લિન્ચિંગની ઘટનાઓ વિરુદ્ધ પ્રોટેસ્ટ કરવાની અપીલ કરી હતી. વીડિયોમાં જેને સાંપ્રદાયિક કહેવામાં આવી રહ્યું છે કે તેમા એજાઝ ખાન કેટલાક સંગઠનો પર આરોપ લગાવી રહ્યા છે.