ફિન્ચે લખનઉ સુપર જાયન્ટ્સ માટે ભવિષ્યવાણી કરતાં કહ્યું કે મને નથી લાગતું કે આ ટીમ તેની બોલિંગના આધારે પ્લેઓફમાં પહોંચે, ડેથ ઓવરો દરમિયાન ટીમ બહુ સારું પ્રદર્શન નહીં કરે
એરૉન ફિંચે લખનઉ સુપર જાયન્ટ્સ માટે કરી ભવિષ્યવાણી
બોલિંગના આધારે પ્લેઓફમાં નહીં પહોંચે
ગેમ ચેન્જર સાબિત થઈ શકે છે આ ખેલાડીઓ
ઈન્ડિયન પ્રીમિયર લીગનું કાઉન્ટડાઉન શરૂ થઈ ગયું છે. 31 માર્ચથી ડિફેન્ડિંગ ચેમ્પિયન ગુજરાત ટાઇટન્સ અને ચેન્નાઈ સુપર કિંગ્સ વચ્ચે ઓપનિંગ મેચ રમાશે. અત્યાર સુધી આઈપીએલની કુલ 15 સિઝન રમાઈ છે અને 16મી સિઝન હવે શરૂ થશે. એવામાં ઓસ્ટ્રેલિયાના ભૂતપૂર્વ કેપ્ટન એરોન ફિન્ચે આઈપીએલની એક ટીમ વિશે ભવિષ્યવાણી કરતાં કહ્યું છે કે ઈન્ડિયન પ્રીમિયર લીગની આગામી સિઝનમાં એ ટીમને પ્લેઓફમાં પહોંચવા માટે સંઘર્ષ કરવો પડશે.
લખનઉ સુપર જાયન્ટ્સ માટે કરી ભવિષ્યવાણી
જણાવી દઈએ કે ફિન્ચે આ ભવિષ્યવાણી લખનઉ સુપર જાયન્ટ્સ માટે કરી છે. આઈપીએલ 2023 સીઝનની શરૂઆત પહેલા તેણે કહ્યું, મને નથી લાગતું કે લખનઉ સુપર જાયન્ટ્સ ટીમ તેની બોલિંગના આધારે પ્લેઓફમાં પહોંચે. ફિન્ચનું માનવું છે કે ડેથ ઓવરો દરમિયાન ટીમ બહુ સારી નહીં હોય. જેના કારણે તેને આગામી સિઝનમાં પોઈન્ટ ગુમાવવા પડી શકે છે.
બોલિંગના આધારે પ્લેઓફમાં નહીં પહોંચે
એરોન ફિન્ચે આ વિશે સ્પષ્ટા આપતા કહ્યું કે , 'હું લખનઉ સુપર જાયન્ટ્સમાં તેમની ડેથ બોલિંગ સંભવિત નબળાઈ જોઉં છું. ભલે મિડલ ઓર્ડરમાં તેની પાસે ઘણા બધા વિકલ્પો છે અને ટીમમાં કેટલાક સારા ઓલરાઉન્ડર છે પણ મને લાગે છે કે જ્યારે તમે ટીમના કોમ્બિનેશનને જોશો, ત્યારે ડેથ ઓવરોમાં સારી બોલિંગ ક્વોલિટી શોધવી એ તેમના માટે એક વાસ્તવિક પડકાર હશે.
ગેમ ચેન્જર સાબિત થઈ શકે છે આ ખેલાડીઓ
સાથે જ એરોન ફિન્ચને ટીમમાં વિદેશી ખેલાડીઓના સંયોજન વિશે પણ વાત કરતાં કહ્યું કે દક્ષિણ આફ્રિકા, વેસ્ટ ઈન્ડિઝ, ઓસ્ટ્રેલિયા અને ઈંગ્લેન્ડમાંથી એક-એક ખેલાડીની પસંદગી કરી છે અને મને લાગે છે કે લખનઉ સુપર જાયન્ટ્સ માટે વિદેશી ખેલાડીઓ તરીકે પ્રથમ પસંદગીના ક્વિન્ટન ડિકોક, માર્કસ સ્ટોઇનિસ, નિકોલસ પૂરન લખનઉ સુપર જાયન્ટ્સ માટે ગેમ ચેન્જર સાબિત થઈ શકે છે. '
નોંધનીય છે કે IPL 2022 લખનઉ સુપર જાયન્ટ્સ માટે સારું રહ્યું હતું અને ટીમે શાનદાર શરૂઆત કરી હતી પણ ટીમ જેમ જેમ આગળ વધતી ગઈ તેમ પાછળ પડવા લાગી હતી, જો કે કેએલ રાહુલની ટીમ ગઇ સિઝનમાં પ્લેઓફમાં પહોંચવામાં સફળ રહી હતી.