ટકોર / હાઇકોર્ટે ગુજરાત સરકારનો ઉધડો લીધો, કહ્યું સરકારી ટેન્ડર પ્રક્રિયામાં પારદર્શિતા લાવો

• સરકારી ટેન્ડર પ્રક્રિયામાં પાર્દરિશિતા લાવવા નિર્દેશ
• હાઇકોર્ટે કહ્યું સરકારને જાહેરહિતમાં જગાડવી અમારી ફરજ છે
• સરકારી ટેન્ડર માટે ગાઇડલાઇન જાહેર કરો

સરકારી ટેન્ડરમાં છેડછાડ તરી કેટલાક અધિકારીઓ અને ટેન્ડર પાસની પ્રક્રિયા સાથે સીધા કે આડકતરી રીતે જોડાયેલા લોકો પોતાનાં ફાયદા માટે ગોઠવણ કરતાં હોય છે. ટેન્ડર કોણ ભરી શકે તેની શરતોમાં પણ છેડછાડ કરી સરકારી કોન્ટ્રાક્ટ પોતાનાં લાગતાં વળગતાં સગા વ્હલાં તથા પોતાનાં પક્ષનાં વ્યક્તિઓને અપાવતા હોય છે. આમ કરી રહેલા અધિકારીઓ અને રાજકારણીઓની ગુજરાત હાઇકોર્ટે ગંભીર નોંધ લીધી છે.  હાઇકોર્ટે આ મુદ્દે રાજ્યસરકારનો ઉધડો લીધો છે. 

શું હતો મામલો?

પાલનપુરમાં ચાલુ વર્ષે પ્રજાસત્તાક પર્વની ઉજવણીનાં કાર્યક્રમનાં ઇવેન્ટ મેનેજમેન્ટનાં ટેન્ડરમાં અયોગ્ય શરતો અંગે એક કોન્ટ્રાક્ટરે કરેલી પિટિશનનાં સંદર્ભમાં હાઈકોર્ટે આવી ગાઈડલાઈન ઘડવા નિર્દેશ કર્યો હતો. 

કેમ સરકાર ગાઇડલાઇન નથી બનાવી રહી

આ આદેશ આપતી વખતે હાઇકોર્ટની બેંચે એ વાતની પણ નોંધ લીધી કે સરકારી કોન્ટ્રાક્ટ આપવામાં ભેદભાવ રખાય છે. ત્યારે સરકાર કેમ તેનાં માટે કોઇ ગાઇડલાઇન નથી બનાવી રહી. ટેન્ડર પ્રક્રિયામાં પારદર્શિતા હોય તેવી કોઇ ગાઇડલાઇન ન હોવાથી બિલ્ડર્સે સત્તાવાળાનાં તાબે થવું પડે છે. જે સુશાસન માટે ઘાતક અને અયોગ્ય પ્રેક્ટિસ છે. 

હાઇકોર્ટે કહ્યું, સરકારને જગાડવી અમારી ફરજ 

હાઇકોર્ટે ટકોર કરતા અવલોકન કર્યું હતું કે જાહેરહિતમાં સરકારને જગાડવાની અમારી ફરજ છે. સરકારી કોન્ટ્રાક્ટમાં સગાવાદ અને લાગવગથી કામ થતું હોય ત્યારે સરકારને જગાડવાની અમારી ફરજ છે.