પેટ્રોલ-ડીઝલ પર વધતા ખર્ચ વચ્ચે મંગળવારે દેશમાં પહેલી ઇથેનોલથી ચાલતી કાર લોન્ચ થઈ હતી અને એ વાતને લઈને કેન્દ્રીય રોડ ટ્રાન્સપોર્ટ અને હાઈવે મંત્રીએ કહ્યું હતું કે 'આજે અમારું સપનું સાકાર થયું'
ઇથેનોલ પર ચાલતી દેશની પહેલી કાર થઈ લોન્ચ
કેન્દ્રીય મંત્રી નીતિન ગડકરીએ ટ્વિટ કરીને કહી આ વાત
બીજી કંપનીઓ પણ લોન્ચ માટે તૈયાર
હાલ સમય એવો આવી ગયો છે કે મોંઘવારી સતત ઊંચા સ્તરે પંહોચી રહી છે અને લોકોના ખિસ્સા પર ઘણો ભાર વધી રહ્યો છે. એવામાં પેટ્રોલ-ડીઝલ પર વધતા ખર્ચ વચ્ચે મંગળવારે દેશમાં પહેલી ઇથેનોલથી ચાલતી કાર લોન્ચ થઈ હતી જે મોંઘવારીમાં અનેક રીતે રાહત આપશે. આ કારના ફાયદા એ છે કે એક તરફ જ્યાં મોંઘા પેટ્રોલ અને ડીઝલ માટે ખિસ્સા ઢીલા નહીં કરવા પડે અને તેની સામે જ પર્યાવરણને પણ નુકશાન નહીં પંહોચાડે. જણાવી દઈએ કે આ કારના લોન્ચ થવા પર કેન્દ્રીય રોડ ટ્રાન્સપોર્ટ અને હાઈવે મંત્રીએ કહ્યું હતું કે 'આજે અમારું સપનું સાકાર થયું છે.'
ટ્વિટ કરીને કહી આ વાત
કેન્દ્રીય મંત્રી નીતિન ગડકરીએ મંગળવારે ઇથેનોલ પર ચાલનારી દેશની પહેલી કારને લોન્ચ કરી હતી અને આ લોન્ચના મોકા પર એમને ટ્વીટ કરીને કહ્યું હતું કે 'અમારા અન્નદાતાને ઉર્જા દાતા તરીકે પ્રોત્સાહિત કરતાં આ પાયલોટ પ્રોજેક્ટની સફળતા ઇલેક્ટ્રિક વાહનોની એક ઇકો-સિસ્ટમ તૈયાર કરશે અને આવી ટેક્નોલોજી ભારતમાં પરિવહન ક્ષેત્રને સંપૂર્ણપણે બદલી દેશે.' આ સાથે એમને અન્ય એક ટ્વીટમાં લખ્યું હતું કે 'આજે અમારું સપનું સાકાર થયું!''Today our dream has come true!'
બીજી કંપનીઓ પણ લોન્ચ માટે તૈયાર
ઇથેનોલ પર ચાલતી દેશની પહેલી Toyota Corolla Altis કાર જાપાનની ઓટોમોબાઇલ કંપની ટોયોટાના ફ્લેક્સ-ફ્યુઅલ હાઇબ્રિડ પ્રોજેક્ટ હેઠળ લોન્ચ કરવામાં આવી હતી અને હવે આ રેસમાં ઘણી ભારતીય કંપનીઓ પોતાની તાકાત બતાવવા જઈ રહી છે. નીતિન ગડકરીએ લોન્ચ ઈવેન્ટમાં કહ્યું હતું કે ટીવીએસ, બજાજ અને હીરો મોટોકોર્પ પહેલેથી જ ઈથેનોલ વાહનો સાથે તૈયાર છે અને હવે આપણે ઇલેક્ટ્રિક, ઇથેનોલ, મિથેનોલ, બાયોડીઝલ અને હાઇડ્રોજન ફ્યુલને પ્રોત્સાહન આપવાની જરૂર છે.
શું હોય છે Flex-Fuel એન્જિન?
ફ્લેક્સ-ફ્યુલ વાહનો પેટ્રોલ, ઇથેનોલ અથવા બંનેના મિશ્રણ પર ચાલી શકે છે. ફ્લેક્સ ફ્યુઅલ એન્જિન એ વાહનોમાં લગાવવામાં આવેલા આવા એન્જિન છે જે એક કરતાં વધુ ફ્યુલ ઓપ્શનનો ઉપયોગ કરી શકે છે જેમકે ઇથેનોલ, સીએનજી, બાયો-એલએનજી અને ઇલેક્ટ્રિક પાવરનો ઇંધણ તરીકે ઉપયોગ કરી શકે છે. ઇથેનોલથી ચાલતી આ કાર ગ્રાહકો માટે આર્થિક સારી પરવળે છે અને વાયુ પ્રદૂષણથી પણ બચાવે છે.
Launching Toyota’s first of its kind pilot project on Flexi-Fuel Strong Hybrid Electric Vehicles (FFV-SHEV) in India https://t.co/kFVuSLy0QE
લોન્ચ થયેલ કારના ફીચર્સ
ટોયોટા મોટર્સની આ ઇથેનોલ-સંચાલિત કોરોલા અલ્ટીસ કારને સ્લિમ ગ્રિલ અને ડ્યુઅલ J-આકારના DRL સાથે આકર્ષક હેન્ડલેમ્પ્સસાથે કંપનીએ 1.8 લીટરનું ફ્લેક્સ ફ્યુઅલ એન્જિન આપ્યું છે. આ એન્જિન 101bhp અને 142.2Nm ટોર્ક જનરેટ કરે છે. અને તેને સેલ્ફ-ચાર્જિંગ હાઇબ્રિડ સિસ્ટમ સાથે તૈયાર કરવામાં આવ્યું છે. CVT ગિયરબોક્સથી સજ્જ કારમાં આપવામાં આવેલી ઇલેક્ટ્રિક મોટર 72bhp અને 162.8Nm ટોર્ક જનરેટ કરી શકે છે.
Today our dream has come true...!
Launched India’s first Flexi-Fuel Strong Hybrid Electric Vehicles (FFV-SHEV) which would run on 100% petrol as well as 20 to 100% blended ethanol and electric powertain with... pic.twitter.com/QmsrnXD1Qx
આ રીતે બચશે પૈસા
પેટ્રોલ-ડીઝલની કિંમત કેટલાય મહિનાઓથી 100 રૂપિયા પ્રતિ લીટરની આસપાસ છે. આવી સ્થિતિમાં ઇથેનોલ પર ચાલતા વાહનો સામાન્ય લોકો માટે મોટી રાહત આપશે. જણાવી દઈએ કે હાલમાં ઇથેનોલની કિંમત 60 થી 65 રૂપિયા પ્રતિ લિટરની આસપાસ છે. એટલે કે પેટ્રોલ અને ડીઝલની કિંમતોની સરખામણીમાં તે લગભગ 40 રૂપિયા સસ્તું છે. આ ઉપરાંત તે પેટ્રોલ કરતાં પણ ઓછું પ્રદૂષણ કરે છે.