PHOTOS / સીમલવાગા ગામે ખેતરના તાર ફેન્સીંગમાં ફસાયેલા દીપડાનું વનવિભાગે કર્યું રેસ્ક્યૂ,બાદમાં જંગલમાં છોડી મૂકાયો

• મહીસાગરના સીમલવાડા ગામે દીપડો ફસાયો
• વન વિભાગની ટીમ ઘટનાસ્થળે દોડી ગઇ
• વન વિભાગે દીપડાને રેસ્ક્યુ કરીને સુરક્ષિત સ્થળે છોડ્યો

મહીસાગરના સીમલવાડા ગામે ખેતરના ફેન્સીંગના તારમાં દીપડો ફસાયો હોવાનું સામે આવ્યું હતું. આ ઘટનાની જાણ થતા લોકના ટોળેટોળા ઉમટી પડ્યા હતા. સીમલવાડા ગામે ખેતર ફરતે કરવામાં આવેલી ફેન્સીંગના તાર કુદવા જતા દીપડો અટવાયો હતો. જેને લઇને સ્થાનિકોને જાણ થયા બાદ લોકો દોડી જઇ વનવિભાગને જાણ કરી હતી.

આથી વનવિભાગને જાણ થતા જ ફોરેસ્ટની ટુકળી તાત્કાલિક દોડી ગઇ હતી અને  વનવિભાગના સ્ટાફે દીપડાનું રેસ્ક્યુ હાથ ધર્યું હતું. જેમાં જબરી જહેમત બાદ દીપડાનું રેસ્ક્યૂ કરવામાં આવ્યું હતું.

વનવિભાગ દ્વારા ઈજાગ્રસ્ત દીપડાને અપાઈ સારવાર
ખેતરની ફેન્સીંગના તારમાં ફસાવાને કારણે દીપડો ઘાયલ થયો હતો. જેને લઇને  વન વિભાગની ટીમે ઈજાગ્રસ્ત દીપડાને સામાન્ય સારવાર આપી હતી ત્યારબાદ દીપડાનું રેસ્ક્યુ કરીને સુરક્ષિત સ્થળે છોડવામાં આવ્યો હતો.