ઘણો હોંશિયાર! / એરપોર્ટ પર ફિલ્મી સ્ટાઈલે ડ્રગ્સની હેરાફેરી કરતા વિદેશી યુવક-યુવતી ઝડપાયા, જુઓ ક્યાં ઘૂસાડી રાખ્યો હતો જથ્થો!

• ફિલ્મી સ્ટાઈલે કરતા હતા ડ્રગ્સની હેરાફેરી 
• પેટમાં ડ્રગ્સની કેપ્સૂલ બનાવી ગળી ગયા 
• એનિમા આપીને 135 ડ્રગ્સની ગોળીઓ બહાર કાઢાઈ 

અમદાવાદમાં દિવસેને દિવસે ડ્રગ્સની હેરાફેી વધી ગઈ છે. જોકે વધતા જતા નશાના કાળા કારોબાર સામે હવે પોલીસ પણ એકશન મોડમાં જોવા મળી રહી છે. ડ્રગ્સની હેરાફેરી કરવા માટે લોકો અવનવી રીતો અપનાવતા હોય છે. ત્યારે અમદવાદ એરપોર્ટ પર ડ્રગ્સની હેરાફેરી કરતા યુવક યુવતીઓને ઝડપી પાડવામાં આવ્યા છે. 

ડ્રગ્સની કેપ્સૂલ બનાવી ગળી ગયા 

આપને જણાવી દઈએ કે અમદાવાદ એરપોર્ટ પરથી સાઉથા આફ્રીકાથી આવેલ યુવક અને યુવતીને ઝડપી પાડવામાં આવ્યા છે. સાંભળીને આપને નવાઈ લાગશે કે આ યુવક અને યુવતીએ પોતાના પેટમાં ડ્રગ્સ રાખ્યું હતું. જેમા તેઓ ડ્રગ્સની કેપ્સૂલ બનાવીને ગળી ગયા હતા. તેમને એમ હતું કે તેઓ તેમની આ તકનીકથી બચી જશે પરંતું તેમની આ રીત કામ ન આવી અને તેઓ ઝડપાઈ ગયા છે. 

2 ઈંચ લાબી કેપ્સૂલો પેટમાંતી મળી આવી 

યુવક અને યુવતીના પેટમાં 2 ઈંચ લાંબી ડ્રગ્સની કેપ્સૂલો મળી આવી છે. જેમા યુવકના પેટમાંથી 86 અને યુવતીના પેટમાંથી 50 કેપ્સૂલ મળી આવી જેની અંદર ડ્રગ્સ હતું અને તેઓ તેની સપ્લાય કરવાના હતા. 

એનિમા આપીને 135 કેપ્સૂલો પેટમાંથી કાઢવામાં આવી 

ઉલ્લેખનીય છે છે બંનેને સોલા સિવિલમાં 24 કલાક રાખવામાં આવ્યા હતા. જ્યા એનિમા આપીને તેમના શરીરમાંથી 135 કેપ્સૂલ કાઢવામાં આવી છે. જોકે અમદાવાદમાં વધતો જતો ડ્રગ્સનો કાળો કારોબાર હવે એક ચિંતાનો વિષય બન્યો છે. તેમા પણ હવે તો વિદેશથી આવતા નાગરીકો ફિલ્મી સ્ટાઈલે ડ્રગ્સની હેરાફેરી કરી રહ્યા છે.