સોશિયલ મીડિયામાં વિદેશી મહિલાનો એક વીડિયો થયો વાયરલ, આ વીડિયો ઊંઝા એપીએમસીનું હોવાનું આવ્યું સામે
વિદેશી મહિલાએ મચાવી ધૂમ
સોશિયલ મી઼ડિયામાં કોથળા સાંધતો વીડિયો વાયરલ
ઊંઝા એપીએમસીનો વીડિયો હોવાનું આવ્યું સામે
સોશિયલ મીડિયામાં રોજબરોજ અવનવા વીડિયો જોવા મળે છે. ક્યારેક કોઇ નાના બાળકનો હોય કે ક્યારેત પાલતુ પ્રાણીઓનો. સોશિયલ મીડિયામાં લોકો આજકાલ પોતાની આસપાસ થતી તમામ એક્ટિવીટી અંગે પોસ્ટ કરવાનો આગ્રહ રાખે છે. તેમાંથી ઘણા એવા વીડિયો હોય છે જે ટ્રેન્ડમાં આવી જાય છે. ત્યારે આવો જ એક વીડિયો ગુજરાતનો પણ વાયરલ થયો છે.
વિદેશી મહિલાએ કોથળો સાંધ્યો
જી, હા સોશિયલ મીડિયામાં એક વિદેશી મહિલા કોથળા સાંધી રહી હોય તેવો વી઼ડિયો વાયરલ થયો છે. આ વીડિયોમાં જોઇ શકાય છે કે કોથળાને સોય દોરા વડે વિદેશી મહિલા સાંધી રહી છે. આ વીડિયો સોશિયલ મીડિયામાં ભારે વાયરલ થયો છે. આ વીડિયો ઊંઝા એપીએમસીનો હોવાનું સામે આવ્યુ છે. વીડિયોમાં વિદેશી મહિલા એપીએમસીમાં કેવી રીતે કામ થાય છે તેમાં રસ દાખવી રહી છે અને પોતે જ કોથળાને સાંધીને બતાવે છે. મજૂરોની વ્ચચે સોય-દોરાથી વિદેશી મહિલાને કોથળા સીવતી જોતા લોકો કુતુહલ ભરી નજરે જોઇ રહ્યા છે. ભલે એ વિદેશી રહી પરંતુ છે તો મહિલા જ ને.
સોશિયલ મીડિયામાં વીડિયો થયો વાયરલ
ઊંઝા એપીએમસીમાં વિદેશી મહિલાને આ રીતે કામ કરતી જોઇને લોકો ભેગા થઇ જાય છે. લોકો જોતા જ રહી જાય છે કે વિદેશી થઇને પણ મહિલા કેટલુ સારી રીતે કોથળો સીવી રહી છે. વિદેશી મહિલા સાથે તેનો અન્ય એક સાથી પણ છે જે તેના આ કામને મોબાઇલમાં કંડારતો જોવા મળી રહ્યો છે. આ વીડિયો વાયરલ થતા મોટી સંખ્યામાં લોકો કમેન્ટ કરી રહ્યા છે.