વાયરલ / ભારતમાં ફરવા આવેલી 'ભૂરી' મેડમ સાથે સેલ્ફી માટે પડાપડી થઈ, એક સેલ્ફીના 100 રૂપિયા લેવાના શરૂ કર્યા

• વિદેશથી ભારત ફરવા આવેલી મહિલા પરેશાન થઈ
• સેલ્ફી લેવા માટે લોકોએ પડાપડી કરી
• લોકોથી બચવા માટે આ મહિલાએ નવો આઈડીયા શોધી કાઢ્યો

મોટા ભાગે જોવા મળે છે કે, અમુક લોકો વિજેશી મહિલા સહેલાણીઓને જોઈને પાગલ થઈ જતાં હોય છે અને તેમની સાથે સેલ્ફી લેવા માટે ઉત્સુક થઈ જતાં હોય છે. આવો જ એક વીડિયો હાલ ચર્ચામાં આવ્યો છે. જેમાં અમુક લોકો એક ઓસ્ટ્રેલિયાઈ મહિલા સાથે સેલ્ફી લેવાની હોડમાં લાગ્યા છે. આ મહિલાએ પણ આવા લોકોને પાઠ ભણાવવા માટે નવો આઈડીયા શોધી કાઢ્યો છે. 

સોશિયલ મીડિયા પર ચર્ચામાં આવેલા આ વીડિયોમાં જોઈ શકાય છે કે, ગેટવે ઓફ ઈંડિયા પર ફરવા આવેલી મહિલાને અમુક યુવકો ઘેરી છે. તે વારંવાર તેમનાથી બચવાની કોશિશ કરતી દેખાઈ છે, પણ સૌ કોઈ હાથમાં ફોન લઈને સેલ્ફી લેવાની જીદ કરી રહ્યા છે. લાખ કોશિશ કરવા છતાં પણ આ યુવકો સમજતા નથી.

વીડિયોમાં આપ જોઈ શકો છો કે, સેલ્ફી લીધા બાદ મહિલા તમામને કહે છે કે, આપે મારી સાથે ફોટો લીધો. તેથી આપે મને એક સૌ રૂપિયા પ્રતિ ફોટો દીઠ આપવા પડશે. તેની વાત સાંભળી ત્યાં હાજર લોકો હેરાન રહી જાય છે. આપને જણાવી દઈએ કે, આ વીડિયો ઘણો જૂનો છે. પણ તેના દ્વારા એ બતાવાની કોશિશ થઈ રહી છે કે, વિદેશથી આવતા લોકોની સાથે કેવા પ્રકારનો વ્યવહાર થાય છે.

સેલિયા વોઈવોડિચ નામની આ મહિલાએ આ વીડિયોને લઈને વિસ્તારથી જણાવ્યું છે કે, આ વીડિયો ત્યારે બનાવામાં આવ્યો હતો, જ્યારે તે મુંબઈ ફરવા આવી હતી. તેણે જણાવ્યું છે કે, આ વીડિયો વાસ્તવામં કોરિયાગ્રાફ કરવામાં આવ્યો હતો. ગેટ વે ઓફ ઈંડિયા પર તેણએ નોટિસ કર્યું છે કે, કેવી રીતે લોકો સેલ્ફી માટે પડાપડી કરી રહ્યા હતા. સેલિયાએ લોકોની સાન ઠેકાણે લાવવા માટે પૈસાની ડિમાન્ડ કરી.