વિદેશી મહિલા સાથે ફેસબુક પર મીત્રતા એક સૈન્યકર્મીને ઘણી મોંઘી પડી છે. વિદેશી મહિલાએ સૈન્યકર્મીને ગિફ્ટ મોકલવાના બહાને લગભગ 14 લાખનો ચૂનો લગાવ્યો છે. ભગબનનારને જ્યારે ઠગાઈની ખબર પડી ત્યારે તેણે પોલીસ સ્ટેશન પહોંચીને ફરિયાદ નોંધાવી હતી.
ભોગબનનાર વ્યક્તિ સેનાના એક ડિવીઝનમાં તૈનાત છે. 28 મે રામસેવકના ફેસબુક પર પોલેન્ડ નિવાસી મારિયા એલેક્ઝેન્ડર નામની યુવતીની ફ્રેન્ડ રિક્વેસ્ટ આવી હતી.
આવી રીતે લાગ્યો 14 લાખનો ચૂનો
એફબી પર મિત્રતા બાદ મેસેન્જર અને વ્હોટ્સએપ પર બંન્ને વાત કરવા લાગ્યા હતા. યુવતી પોલેન્ડ અને જર્મનીના નંબરથી યૂરોપિયન લેંકામાં વાત કરતી હતી જેથી રામસેવકે તેના પર વિશ્વાસ કરી લીધો. ગયા મહિને યુવતીએ એક ગિફ્ટ મોકલવાની વાત કરી હતી.
કેટલાક દિવસ બાદ દિલ્હીથી તેના પર એક પોન આવ્યો. ફોન કરનાર વ્યક્તિએ પોતાને કસ્ટમ વિભાગનો જણાવતા પાર્સલ દિલ્હી આવીને છોડવવા કહ્યુ. પેકેટનું વજન લગભગ 8 કિલોગ્રામ જણાવતા કસ્ટમ ડ્યૂટી ચૂકવવા માટે કહ્યુ હતુ.
તેને કહેવામાં આવ્યુ કે પેકેટમાં લગભગ 70 હજાર ડોલર છે જેને છોડાવા માટે તેણે ઘણા ટેક્સો ચુકવવા પડશે. ત્યાર બાદ તેણે વિભિન્ન ખાતાઓમાં લગભગ 14.02 લાખ રૂપિયા ટ્રાન્સફર કરાવી લીધા પણ પાર્સલ તેના હાથમાં ન આવ્યુ. ઠગાઈની ખબર પડતા તેણે તપાસ કરી ત્યારે ખબર પડી કે એરપોર્ટ પર આવુ કોઈ પાર્સલ આવ્યુ નથી.