સંસદમાં હોબાળો / ટ્રમ્પના નિવેદન અંગે વિદેશમંત્રી જયશંકરની ગૃહમાં સ્પષ્ટતા કાશ્મીર માત્ર દ્વિપક્ષીય મુદ્દો

PM મોદીએ નથી કરી મધ્યસ્થતાની અપીલ

કાશ્મીર પર અમેરિકી રાષ્ટ્રપ્રમુખ ડોનાલ્ડ ટ્રમ્પ દ્વારા કરવામાં આવેલા નિવેદન પર મંગળવારે સંસદમાં જોરદાર હંગામો થયો. કોંગ્રેસના આનંદ શર્માએ આ મુદ્દો ઉઠાવતા સરકાર પાસે જવાબની માંગ્યો. ટ્રમ્પના કાશ્મીર મુદ્દા પરના નિવેદન પર વિદેશ મંત્રી જયશંકરે ગૃહમાં કહ્યું કે વડાપ્રધાન મોદીએ અમેરિકી રાષ્ટ્રપ્રમુખ ટ્રમ્પની મધ્યસ્થતાની કોઇ અપીલ નથી કરી. એમણે કહ્યું કે ભારતનું વલણ હંમેશાથી સ્પષ્ટ રહ્યું છે કે કાશ્મીરના મુદ્દા પર માત્ર દ્વિપક્ષીય વાતચીત થઇ શકે છે અને કોઇપણ ત્રીજા દેશ દખલ ન કરી શકે. પાકિસ્તાન સાથે વાર્તા આંતકવાદના ખાતમા બાદ શક્ય છે. 

લોકસભામાં કાશ્મીર મુદ્દે જોરદાર હંગામો

સંસદીય કાર્યમંત્રી પ્રહલાદ જોશીએ કહ્યું છે કે કોંગ્રેસ સાંસદની ભાષા ઠીક નથી. એને તેથી દેશની ગરિમાને ઠેસ પહોંચે છે. સ્પીકરે કહ્યું કે આ ખૂબ જ ગંભીર વિષય છે કે અને સંસદીય કાર્ય મંત્રી તેના પર સ્પષ્ટતા કરી ચૂક્યા છે. 

આપને જણાવીએ કે લોકસભા અને રાજ્યસભાની કાર્યવાહી શરૂ થઇ.ઉચ્ચ ગૃહમાં સભાપતિએ આખા ગૃહ તરફથી એથલીટ હિમા દાસને 4 ગોલ્ડ મેડલની જીત પર શુભકામના પાઠવી. લોકસભામાં કાર્યવાહી શરૂ થતાની સાથે જ હંગામો થયો. કાશ્મીર મુદ્દે વિપક્ષે નારેબાજી કરી હતી. કોંગ્રેસના સાંસદ અધીર રંજને કહ્યું કે ભારતની સરકારે અમેરિકા સામે માથુ ઝુકાવ્યું છે, એમણે આ મુદ્દે વડાપ્રધાનને ગૃહમાં આવી જવાબ આપવા માંગ કરી હતી. 

કોંગ્રેસ સાંસદની ટ્રમ્પના નિવેદન પર અસહમતિ

કોંગ્રેસના સાંસદ શશિ થરૂરે પણ ટ્રમ્પના નિવેદન પર અસહમતી દર્શાવી છે. એમણે કહ્યું કે, 'મને બિલકુલ નથી લાગતું કે ટ્રમ્પને થોડોક પણ અંદાજો છે કે તે શું બોલી રહ્યા છે? અથવા તો કોઇએ તેમને કોઇ મામલે જાણકારી આપી નથી અથવા તે સમજી નથી શક્યા કે મોદી શું કહી રહ્યા હતા? તથા ભારતનો ત્રીજા પક્ષની મધ્યસ્થતાને લઇને શું વલણ છે.

કોંગ્રેસ તરફથી અમેરિકી રાષ્ટ્રપ્રમુખ ડોનાલ્ડ ટ્રમ્પના દાવાને લઇે મંગળવારે પીએમ મોદી પર સીધો હુમલો કર્યો અને સાથે એ સવાલ કર્યો કે વડાપ્રધાન જવાબ આપે કે એમણે આવી કોઇ રજૂઆતલ કરી હતી કે પછી ટ્રમ્પ ખોટું બોલી રહ્યા છે.