IPLIN
 

નવરાત્રી 2022 / 60થી વધુ દેશોના મહેમાનોને વડોદરાના ગરબા બતાવવા લઈ ગયા એસ.જયશંકર, ભીડ જોઈને એકે તો કહ્યું અમારી વસ્તી આટલી હશે

Team VTV 01:31 PM, 02 Oct 22 | Updated: 02:02 PM, 02 Oct 22
Follow us
Foreign guests enjoyed Garba in Vadodara

ગુજરાતમાં નવલા નોરતાની રમઝટ જામી છે અને આ વર્ષે ખેલૈયાઓ મન મૂકીને ગરબા રમી રહ્યા છે. ખેલૈયાઓની સાથે સાથે રાજકીય નેતાઓ પણ ગરબાનો આનંદ માણી રહ્યા છે. ત્યારે ગુજરાતના મહેમાન બનેલા વિદેશમંત્રી ડૉ. એસ. જયશંકર 60 દેશોના રાજદૂતો સાથે વડોદરામાં ગરબાના રંગે રંગાયા હતા.

 

  • વડોદરામાં વિદેશી મહેમાનોએ ગરબા માણ્યા
  • એસ.જયશંકર સાથે 60 દેશના રાજદૂતોએ ગરબા માણ્યા
  • ખેલૈયાઓના પ્રચંડ ઉત્સાહ અને એકલયથી અભિભૂત થયા વિદેશ મંત્રી

કેવડિયા ખાતે નેશનલ કોન્ફરન્સનું આયોજન કરવામાં આવ્યું છે. જેમાં ભાગ લેવા માટે 60 દેશના રાજદૂત અને ભારતના વિદેશમંત્રી એસ.જયશંકર આવ્યા છે. આ તમામ રાજદૂતો અને વિદેશમંત્રીએ ગઈકાલે રાત્રે વડોદરામાં ગરબા નિહાળ્યા હતા. ગઈકાલે રાત્રે વિદેશ પ્રધાન એસ. જયશંકરે 60 વિદેશી રાજદૂતો સાથે વડોદરામાં નવરાત્રીની મજા માણી હતી. 

 

તેઓ ભરતકામ કરેલી કોટી પહેરીને વડોદરાના યુનાઈટેડ વેના ગરબા ગ્રાઉન્ડમાં પહોંચ્યા હતા. અહીં ગરબા રમી રહેલા ખેલૈયાઓને નિહાળીને વિદેશી રાજદ્વારીઓ અભિભૂત થઈ ગયા હતા. ખેલૈયાઓના જોરદાર ઉત્સાહ, તાલ અને થનગનાટે રાજદૂતો અને વિદેશ પ્રધાનને મંત્રમુગ્ધ કરી દીધા હતા.

ખેલૈયાઓનો થનગનાટ જોઈ વિદેશ પ્રધાન અને રાજદૂતો થઈ ગયા પ્રભાવિત
યુનાઈટેડ વેના ગરબા ગ્રાઉન્ડમાં વિદેશમંત્રી એસ. જયશંકર અને તેમના ધર્મપત્નીએ મા અંબાના ચરણોમાં શીશ ઝૂકાવી આરતી ઉતારી હતી. તો હિલોળે ચડેલા ખેલૈયાઓના થનગનાટને જોઈને પ્રભાવિત થયેલા રાજદૂતો ગરબા ગ્રાઉન્ડમાં માતાજીના મંદિરના પ્રાંગણમાં ગરબા રમવા લાગ્યા હતા. 

આ તકે એક વિદેશી મહેમાને જણાવ્યું હતું કે, 'જેટલા લોકો અહીં હાજર છે, એટલી તો કદાચ અમારા દેશની વસ્તી હશે. બધા લોકો પરિવાર સાથે ગરબા રમીને આનંદ માણી રહ્યા છે. અમને અહીં ઘણી મજા આવી.'

યુવક-યુવતીઓ સાથે પડાવ્યા ફોટા
આ ગરબા મહોત્સવમાં રંગબેરંગી કેડિયાં-ધોતિયાં અને ચણિયાચોળી પહેરીને આવેલાં યુવક-યુવતીઓ તેઓએ ફોટા પણ પડાવ્યા હતા. આપને જણાવી દઈએ કે, એક સાથે વિવિધ દેશોના 60થી વધુ રાજદ્વારીઓએ ગરબા નિહાળ્યા હોય એવી સાંસ્કૃતિક અને ઐતિહાસિક ઘટના પહેલીવાર બની હતી.

Foreign guests enjoyed Garba vadodara વડોદરામાં ગરબાની મોજ વિદેશી મહેમાનોએ માણી મોજ ગરબા
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ