રાજનીતિ / વિદેશી કંપનીઓને ગુજરાત લાવવા મુદ્દે શક્તિસિંહનો CM રૂપાણીને ટોણો ‘ઘરના ઘંટી ચાટે અને પારકાને આટો’

• શક્તિસિંહ ગોહિલે કહ્યું, વિદેશી ઉદ્યોગો માટેનો પ્રેમ છોડી સ્થાનિક ઉદ્યોગો માટે વિચારણા કરો
• વિદેશી કંપનીઓ ગુજરાત આવશે તો નાના ઉદ્યોગોને નુકશાન થશે
• શ્રમિકોના કાયદામાં આપેલી છૂટ તેમના માટે ઘાતક સાબિત થશે 

CM રૂપાણીએ વૈશ્વિક બજાર ધરાવતી મોટી કંપનીઓને માત્ર 21 દિવસમાં પરિમશન આપી, જમીન ફાળવવાની બાંહેદરી પણ આપી છે. આ ઉપરાંત શ્રમિકોના કાયદામાં પણ ઘણી બધી છુટછાટ અપાઈ છે. CM રૂપાણીએ વૈશ્વિક કંપનીઓને આમંત્રિત કરી ગુજરાતના નાના ઉદ્યોગકારોને ફાયદો ન થવાનો હોવાના મતે શક્તિસિંહ ગોહિલે CM રૂપાણી સામે નિશાન તાક્યું છે.

શક્તિસિંહ ગોહિલે કહ્યું કે, વિદેશના નવા ઉદ્યોગો માટેની જાહેરાતથી આઘાત અને આશ્ચર્ય થયું. આ જાહેરાતથી ઘરનાને ઘંટી ચાટવાનો વારો આવશે અને પારકાને આટો. વિદેશથી આવતી કંપનીઓ શ્રમિકોનું પણ શોષણ કરશે. શ્રમિકોના ત્રણ કાયદાઓમાં છોડી તમામ કાયદાઓણાં છૂટ શ્રમિકો માટે ઘાતક બનશે.

આ ઉપરાંત વિદેશી ઉદ્યોગો માટેનો પ્રેમ છોડી સ્થાનિક ઉદ્યોગો માટે વિચારણા થાય તો સારૂ. આ સાથે કોંગ્રેસે ઉદ્યોગોને તાત્કાલિક સ્ટિમ્યુલસ પેકેજની જાહેરત કરવાની સરકાર પાસે માંગ કરી છે.