હેરોઇન મામલો:વિદેશી નાગરિકે મીડિયા કર્મી પર કર્યો હુમલાનો પ્રયાસ

વડોદરામાં હેરોઇન ડ્રગ્સ સાથે ઝડપાયેલા નાઇઝીરિયન આરોપીને ડ્રગ્સ મામલે તપાસ માટે સયાજી હોસ્પિટલ લવાયો છે.ચુસ્ત પોલીસ બંદોબસ્ત વચ્ચે આરોપીને હોસ્પિટલમાં તપાસ માટે લવાયો હતો.પોલીસ તપાસમાં તેનું પાકિસ્તાન કનેકશન હોવાનું સામે આવ્યું છે.ઉલ્લેખનીય છે કે રૂપિયા 6 કરોડના હેરોઇન ડ્રગ્સના જથ્થા સાથે નાઇઝીરિયન ઝડપાયો હતો. અને હોસ્પિટલના પટાંગણમાં મીડિયા કર્મી પર નાઇઝેરિયન યુવકે હુમલો કરવાનો પ્રયાસ કર્યો હતો.

ઉલ્લેખનીય છે કે તાજેતરમાં નેશનલ નાર્કોટિક બ્યૂરો વડોદરાને હેરોઈનની હેરાફેરીની બાતમી મળી હતી. જે બાદ બાતમીના આધારે નાર્કોટિક વિભાગે રાજધાની ટ્રેનમાં ચેકિંગ હાથ ધરતા એક નાઈઝીરિયન વ્યક્તિ સાથે 6 કરોડનું હેરોઈન ઝડપાઈ આપ્યું છે. નાર્કોટિક વિભાગે આ નાઇઝીરિયનની સાથે હેરોઈનનો જથ્થો કબજે કરી વધુ તપાસ હાથ ધરી છે.

આપને જણાવી દઇએ કે છાશવારે કેટલાક તત્વો દ્વારા ગેરકાયદેસર પ્રવૃત્તિ આચરવામાં આવે છે અને ભારતમાં જે વસ્તુ પર પ્રતિબંધ ફરમાવવામાં આવેલ છે તેવી ચીજ-વસ્તુઓની હેરફેર કરતા હોય છે ત્યારે વડોદરા હવાઇ મથક પર એક વિદેશી નાગરિકની 6 કરોડના હેરોઇન ડ્રગ્સ સાથે ધરપકડ કરવામાં આવી હતી.