ખેડૂતો માટે એક સારા સમાચાર મળી રહ્યા છે. દેશમાં આ વર્ષે ચોમાસું 3 દિવસ વહેલું બેસે તેવી સંભાવના છે. 29 મેએ ચોમાસું કેરળ પહોંચે તેવી સંભાવના વ્યકત કરવામાં આવી છે. આ જાણકારી અન્ય કોઈ નહીં પરંતુ હવામાન વિભાગે આપી છે.
આ પૂર્વે ચોમાસું 1 જૂને બેસે તેવી સંભાવના વ્યકત કરવામાં આવી હતી. હવામાન વિભાગના જણાવ્યા મુજબ અંડમાન સાગર અને દક્ષિણ પૂર્વ બંગાળની ખાડીમાં જે સિસ્ટમ બની રહી છે. તેનાથી લાગી રહ્યું છે કે ત્યાં 23 મેએ વરસાદ પહોંચશે ત્યારબાદ કેરળના દરિયા કિનારાના વિસ્તારોમાં વરસાદની શરૂઆત થશે.
માનવામાં આવી રહ્યું છે કે અંડમાન સાગરથી કેરળમાં વરસાદ પ્રવેશ કરવામાં એક સપ્તાહથી ઓછો સમય લાગે છે અને કેરળ પહોંચનાર વરસાદ જ સક્રીય થઈને દેશના ઉારી ક્ષેત્ર સુધી પહોંચે છે અને ત્યાર બાદ જ દિલ્લી ઉાર અને દક્ષિણના રાજ્યોમાં ગરમીથી રાહત મળે છે.
વર્ષ 2018માં 97 ટકા વરસાદ થવાની સંભાવના છે. મહત્વનું છે કે 96થી 104 ટકા વરસાદ થાય તો તેને સામાન્ય માનવામાં આવે છે. જ્યારે 90થી 96 ટકા વરસાદને સામાન્યથી ઓછો ગણાય છે. મહત્વનું છે કે ગત વર્ષે 30 મેએ કેરળમાં ચોમાસાની શરૂઆત થઈ હતી. પરંતુ વર્ષ 2016માં 8 જૂન જ્યારે 2015માં 5 જૂન અને 2014માં 6 જૂનમાં ચોમાસું શરૂ થયું હતું. તો વર્ષ 2013માં પણ 1 જૂને વરસાદ શરૂ થયો હતો.