હવામાન / ઓરેન્જ એલર્ટ સાથે ગુજરાતનાં આ વિસ્તારોમાં કમોસમી વરસાદની આગાહી

 

રાજ્યનાં કેટલાંક જિલ્લાઓમાં કમોસમી વરસાદ થઇ શકે છે. હવામાન વિભાગનું માનીએ તો આગામી 14, 15 અને 16 અપ્રિલે વરસાદ પડી શકે તેમ છે. તારીખ 14 અને 15 એપ્રિલે બનાસકાંઠા, સાબરકાંઠા, અમરેલી અને વડોદરામાં વરસાદની આગાહી કરવામાં આવી છે. જ્યારે કે 16 એપ્રિલે સાબરકાંઠામાં પણ સામાન્ય વરસાદ થવાની આગાહી કરાઇ છે. વેસ્ટર્ન ડિસ્ટબર્નનાં કારણે પવનની દિશા બદલાતા મોસમ મિજાજ બદલે તેવી શક્યતા હવામાન વિભાગે વ્યક્ત કરી છે.

ઉલ્લેખનીય છે કે આગામી 13 એપ્રિલથી 17 એપ્રિલ સુધીમાં રાજ્યમાં કમોસમી વરસાદ ખાબકી શકે છે. હવામાનનાં જાણકાર અંબાલાલ પટેલની આગાહી અનુસાર, કમોસમી વરસાદની શક્યતા તેઓએ વ્યક્ત કરી છે. અપર એર સાઈક્લોનિક સરક્યુલેશન સિસ્ટમનાં કારણે અનેક વિસ્તારોમાં વરસાદ ખાબકી શકે છે. જો કે, બીજી તરફ ખેડૂતો માટે રાહતનાં સમાચાર પણ છે. અંબાલાલ પટેલે કહ્યું છે કે, આ વખતે ચોમાસું સારૂ રહેશે.
 

ઉત્તર ગુજરાત, સૌરાષ્ટ્ર અને કચ્છમાં સાથે સાથે હીટવેવની પણ આગાહી કરાઇ હતી. ઉપરાંત સાબરકાંઠા, બનાસકાંઠા, સુરેન્દ્રનગર, રાજકોટ, અમરેલી, કચ્છ જિલ્લામાં પણ હીટવેવની સાથે સાથે આગાહી કરાઇ હતી. ત્યારે એવામાં આટલી ગરમી વચ્ચે એકાએક જ્યારે વાતાવરણમાં પલટો થશે તેવાં સમાચાર મળે ત્યારે આટલી ધકધકતી ગરમી વચ્ચે પણ લોકોમાં એક પ્રકારનો હાશકારો અનુભવાય છે.

એટલે કે એક સારાં સમાચાર આપવામાં આવ્યાં છે. જેમાં આટલી ગરમી વચ્ચે પણ કમોસમી વરસાદ થશે તેવી આગાહી કરવામાં આવી છે. ત્યારે અંબાલાલની આગાહી અનુસાર આગામી 13 એપ્રિલ બાદ રાજ્યમાં કમોસમી વરસાદ થવાની શક્યતા છે અને જો હવામાન વિભાગનું માનીએ તો આગામી 14, 15 અને 16 અપ્રિલે વરસાદ પડી શકે તેમ છે. તારીખ 14 અને 15 એપ્રિલે બનાસકાંઠા, સાબરકાંઠા, અમરેલી અને વડોદરામાં વરસાદની આગાહી કરવામાં આવી છે.