એક તરફ રાજ્યમાં ચૂંટણીનો માહોલ છે. ત્યારે બીજી તરફ ગરમી પણ પોતાનું અસલી રૂપ બતાવી રહી છે. 23 એપ્રિલે ગુજરાતમાં લોકસભાનું મતદાન છે તે પહેલા જ એટલે કે આજથી રાજ્યમાં ગરમી વધવાની આગાહી કરવામાં આવી છે.
અમદાવાદ: એક તરફ રાજ્યમાં ચૂંટણીનો માહોલ છે. ત્યારે બીજી તરફ ગરમી પણ પોતાનું અસલી રૂપ બતાવી રહી છે. 23 એપ્રિલે ગુજરાતમાં લોકસભાનું મતદાન છે તે પહેલા જ એટલે કે આજથી રાજ્યમાં ગરમી વધવાની આગાહી કરવામાં આવી છે.
રાજ્યભરમાં તાપમાનમાં 2થી 3 ડિગ્રીનો વધારો થાય તેવી શક્યતા છે. તો સૌરાષ્ટ્રમાં હીટવેવની આગાહી કરાઇ છે. વેરાવળ, પોરબંદર અને દીવમાં ગરમ પવન ફૂંકાશે. દરિયા કિનારાના વિસ્તારોમાં ગરમીનું પ્રમાણ વધશે. ત્યારે લોકોને કામ વિના ઘરની બહાર ન નીકળવા સલાહ અપાઇ છે.
AMCના હેલ્થ વિભાગે જાહેર કરી સૂચના
ગુજરાતમાં ગરમીનો પારો ફરી એકવાર ઉચકાતા હાહાકાર મચી ગયો છે. ઉલ્લેખનીય છે કે બપોરના સમયે અમદાવાદમાં તાપમાન 43 ડિગ્રી સુધી પહોંચી રહ્યું છે. જો કે હવામાન વિભાગે પણ ગરમીનું પ્રમાણ હજુ પણ વધે તેવી શક્યતાઓ દર્શાવી છે.
ત્યારે AMCના હેલ્થ વિભાગે પણ ગરમીના કારણે સૂચના જાહેર કરી છે.
તેમાં ખાસ કરીને બિલ્ડીંગની કન્સ્ટ્રક્શન લાઈનમાં કામ કરતા શ્રમિકોને બપોરના સમયે કામ ન કરવા માટે સૂચના આપવામાં આવી છે. આ સાથે જ ગરમીને પગલે પાણી અને અન્ય સુવિધાઓ પર પણ ખાસ ધ્યાન આપવામાં આવતું હોવાનું જણાવ્યું છે.
મહત્વનું છે કે અમદાવાદમાં સામાન્ય રીતે ગરમીનો પારો 45 ડિગ્રી સુધી પહોંચતો હોય છે, જેને રેડ એલર્ટમાં ગણવામાં આવે છે. 43 ડિગ્રીને પાર તાપમાનનો પારો પહોંચતા જ લોકોને બહાર નીકળવું પણ મુશ્કેલ પડી જાય છે. ત્યારે લોકો પણ ગરમીથી બચવા માટે ઠંડા પીણા અને જ્યુસ,ગોળાનો સહારો લઈ રહ્યા છે.