આવ રે...વરસાદ..! / અમદાવાદ સહિત આ વિસ્તારોમાં આજે પડી શકે વરસાદ, હવામાન વિભાગની મોટી આગાહી

• વરસાદ અંગે હવામાન વિભાગની આગાહી
• ત્રણ દિવસ રહેશે વરસાદી માહોલ
• ભારે વરસાદની સંભાવના નહીંવત

રાજ્યના હવામાન વિભાગ દ્વારા કચ્છમાં પણ હળવા વરસાદની આગાહી કરી છે. સૌરાષ્ટ્ર અને ઉત્તર ગુજરાતમાં સામાન્ય વરસાદ રહેશે...પોરબંદર, જામનગર, જૂનાગઢમાં હળવા વરસાદની સંભાવના છે.

અમદાવાદમાં પણ પડી શકે હળવો વરસાદ 

તો અમદાવાદ, ગાંધીનગર, વડોદરામાં હળવો વરસાદ પડશે. જ્યારે મહેસાણા, અરવલ્લી, સાબરકાંઠા, બનાસકાંઠામાં વરસાદની સંભાવના છે. તો વરસાદી સિસ્ટમ સક્રિય ન થતા ભારે વરસાદની સંભાવના નહીવત છે. 

વલસાડ અને વાપીમાં 2 કલાકમાં 1.28 ઇંચ વરસાદ ખાબક્યો 

વલસાડ અને વાપીમાં 2 કલાકમાં 1.28 ઇંચ વરસાદ ખાબક્યો હતો.  વલસાડમાં 1 ઇંચ, કપરાડામાં 18 એમ.એમ વરસાદ પડ્યો હતો. ધોધમાર વરસાદથી વાપીના કેટલાક વિસ્તારોમાં પાણી ભરાયા હતા. કોપરલી રોડ પર પાણી ભરાતા વાહનચાલકોને મુશ્કેલી થઈ હતી. 

રાજ્યમાં છેલ્લાં 24 કલાકમાં સરેરાશ 10.91 મીમી વરસાદ

• સૌથી વધુ સુરતના પલસાણામાં 6.25 ઈંચ વરસાદ
• 26 જિલ્લાના 111 તાલુકામાં વરસાદ નોંધાયો
• જૂન માસનો અત્યાર સુધી સરેરાશ 4 ઈંચ વરસાદ
• વરસાદની ટકાવારી 12.31 ટકા નોંધાઈ

વરસાદ ના હોય તેવા તાલુકા - 0

• 0થી 2 ઈંચ - 74 તાલુકા
• 2થી 5 ઈંચ - 106 તાલુકા
• 5થી 10 ઈંચ - 53 તાલુકા
• 10થી 20 ઈંચ - 18 તાલુકા
• 20થી 40 ઈંચ - 0 તાલુકા
• 40 ઈંચથી વધુ - 0 તાલુકા