માંગણી / ચીતા અને ચેતક હેલિકોપ્ટર્સને લઈને સેનાએ સરકારને કરી એલર્ટ, કહ્યું...

• ભારતીય વાયુસેનાની માંગણી
• ચીતા અને ચેતકના રિપ્લેસમેન્ટની માંગણી
• રાફેલ આવવાથી મળી છે મોટી રાહત

સેનાએ સરકારને કહ્યું છે કે ચીતા અને ચેતક હેલિકોપ્ટરની કુલ ટેકનિકલ લાઈફ 2023 સુધીમાં ખતમ થશે. આ સમયે લાંબા સમયથી અટકેલા મેડ ઈન ઈન્ડિયાના 2 પ્રોજેક્ટને ફાસ્ટ ટ્રેક કરવામાં આવે. 

સીનિયર અધિકારીનું કહેવું છે કે સિંગલ એન્જિન વિન્ટેજ ચીતા અને ચેતક હેલિકોપ્ટરથી ઓપરેશનમાં મુશ્કેલી આવે છે. તેને બદલવા જરૂરી છે. રિપોર્ટ અનુસાર હેલિકોપ્ટરની દરેક બેચને ચેક કરવાનું નક્કી કરાયું છે જેમાં થલ સેનાના 150 અને વાયુસેનાના 130 હેલિકોપ્ટરનું ચેકિંગ થશે. આ કામ જલ્દી પૂરું થશે અને ઓપરેશન્સમાં ખાસ તકલીફ નહીં પડે. 

આર્મી ઓફિસરોના પરિવારની પણ ચીતા હટાવવાની છે માંગણી

તેમની ફરિયાદ છે કે સિંગલ એન્જિન હેલિકોપ્ટર હોવાના કારણે ઈમરજન્સીમાં દુર્ઘટનાગ્રસ્ત થવાની શક્યતા વધારે રહે છે. તેઓ આજે પણ 80ના દાયકાના વિમાન વાપરી રહ્યા છે. ચીતા હેલિકોપ્ટર તેની નક્કી સીમાથી પણ વધારે સેવા આપી રહ્યા છે. સરકારનું માનવું છે કે જૂના હેલિકોપ્ટર હટાવવા માટે નવા હેલિકોપ્ટર્સની જરૂર પડશે. 

483 યૂટિલિટી ચોપર્સની જરૂર

ભારતીય સેનાના 3 અંગોને 483 નવા લાઈટ યૂટિલિટી ચોપર્સની જરૂર છે. આ માટે 2015માં ભારત અને રશિયાની સરકારે સંયુક્ત ઉદ્યોગ ખોલવાનો વિચાર કર્યો હચો. તેના આધારે 2 એન્જિનના 200 Kamov-226T હેલિકોપ્ટરનું નિર્માણ કરાશે. હેલિકોપ્ટર બનવા માટે 135 આર્મી અને 65 એરફોર્સ મળશે. તેનો ખર્ચ લગભગ 20 હજાર કરોડનો છે. તેની પર પાંચ વર્ષ બાદ પણ કોઈ નિર્ણય લેવાયો નથી. 

ભારત અને રશિયાની સાથે એક કરાર કરાયો છે તેના આધારે 200 કામોવ હેલિકોપ્ટરનું પ્રોડક્શન કરાશે. અલગ અલગ રીતે જૂના હેલિકોપ્ટરને હટાવવામાં 10-15 વર્ષમાં 1200 હેલિકોપ્ટરની જરૂર પડશે અને તેના માટે લગભગ 1.5 લાખ કરોડનો ખર્ચ પણ આવી શકે તેમ છે.