રાજ્યમાં વરસાદે વિરામ લીધો છે. હાલમાં ખેડૂતો વરસાદની રાહ જોઈરહ્યા છે. ત્યારે હવે હવામાન વિભાગના ડાયરેક્ટર જયંત સરકારે પ્રતિક્રિયા આપી છે કે, રાજ્યમાં સારા વરસાદની હજી પણ રાહ જોવી પડશે. હાલમાં રાજ્યમાં કોઈ પણ વરસાદી સિસ્ટમ સક્રિય નથી. દર વર્ષે જુલાઈ સુધીમાં વરસાદી સિસ્ટમ બનતી હોય છે, જોકે હજી સુધી કોઈ સિસ્ટમ બની નથી. સિસ્ટમ આવ્યા બાદ સારો વરસાદ આવશે. દક્ષિણ ગુજરાત અને સૌરાષ્ટ્રમાં સામાન્ય વરસાદી ઝાપટાની શક્યતા છે. જ્યારે અમદાવાદમાં વરસાદી માહોલ રહેશે પરંતુ વરસાદની રાહ જોવી પડશે.