ફોર્બ્સ ઇન્ડિયાએ જારી કર્યું ભારતના સૌથી અમીર લોકોનું નવું લિસ્ટ. ફોર્બ્સે ભારતના ટૉપ 100 સૌથી અમીર લોકોનું લિસ્ટ જારી કર્યું છે. આ લિસ્ટમાં એક વખત ફરીથી રિલાયન્સ ઇન્ડસ્ટ્રીઝના માલિક મુકેશ અંબાણી ટૉપ પર છે.
ફોર્બ્સ ઇન્ડિયાએ જારી કર્યું ભારતના સૌથી અમીર લોકોનું નવું લિસ્ટ
સતત 12માં વર્ષે દેશના સૌથી અમીર શખ્સ બન્યા રિલાયન્સ ઇન્ડસ્ટ્રીના ચેરમેન મુકેશ અંબાણી
ભારતીય ટૉપ 100ની લિસ્ટમાં ટૉપ પર છે
ફોર્બ્સ ઇન્ડિયાએ જારી કર્યું ભારતના સૌથી અમીર લોકોનું નવું લિસ્ટ. ફોર્બ્સે ભારતના ટૉપ 100 સૌથી અમીર લોકોનું લિસ્ટ જારી કર્યું છે આ લિસ્ટમાં એક વખત ફરીથી રિલાયન્સ ઇન્ડસ્ટ્રીઝના માલિક મુકેશ અંબાણી ટૉપ પર છે. આ સતત 12મું વર્ષ છે જ્યારે મુકેશ અંબાણી ફોર્બ્સ ઇન્ડિયાના સૌથી અમીર ભારતીય ટૉપ 100 લિસ્ટમાં ટૉપ પર છે. આશરે 28.4 કરોડના વધારા સાથે મુકેશ અંબાણી આશરે 3.64 લાખ કરોડ રૂપિયાની કુલ સંપત્તિની સાથે પહેલા નંબર પર યથાવત છે. જ્યારે ગૌતમ અદાણીએ 8 ક્રમનો મોટો જમ્પ માર્યો છે અને આ યાદીમાં બીજું સ્થાન પ્રાપ્ત કર્યું છે. આ ઉપરાંત ઉદય કોટકે પહેલી વખત ટૉપ 5 માં જગ્યા બનાવી છે.
સ્ટીલ નિર્માતા કંપની આર્સેલરના માલિક લક્ષ્મી મિત્તલ ફોર્બ્સના લિસ્ટમાં ખૂબ નીચે આવી ગયા છે. ગત વર્ષે આ લિસ્ટમાં ત્રીજા નંબર પર રહેનાર લક્ષ્મી મિત્તલ 6 ક્રમ નીચે આવીને 9માં નંબર પર આવી ગયા છે. ફોર્બ્સ પ્રમાણે સ્ટીલની માંગ અને કિંમતોમાં ઘટાડાના કારણે આવું થયું છે. આ સાથે જ ટૉપ 10માં આ વખત અજીમ પ્રેમજી નથી.