હેલ્થ / ઝટથી વજન ઉતારવા માટે રામબાણ ઇલાજ એટલે કાકડી-ફૂદીનાનો જ્યૂસ

જી હા, આ ઉપાયની મદદથી તમે ટૂંક સમયમાં જ તમારું વધેલું વજન ઓછું કરે છે. હવે દિવસમાં ૩ થી ૪ વખત તમે કાકાડી-ફૂદીનાનો જ્યૂસ પીવા લાગો તો ફાયદો થશે. જાણી લો બનાવવાની રીત…

સામગ્રી 

૧ નંગ કાકડી 
૧ ચમચી છીણેલું આદુ
જરૂર મુજબ પાણી 
૧૦-૧૨ ફૂદીનાના પાન
૧ ચમચી લીંબુનો રસ
સ્વાદનુસાર મીઠું

બનાવવાની રીત 

કાકડી-ફૂદીનાનો જ્યૂસ બનાવવા માટે સૌથી પહેલા કાકડીને ધોઇને તેના ટુકડા કરી લો. હવે એક મિક્સર જારમાં કાકડી, ફૂદીના અને આદુને ક્રશ કરી લો.

આ મિશ્રણને એક બાઉલમાં લો અને તેમાં જરૂર મુજબ પાણી ઉમેરીને મિક્સ કરી લો. આ પછી આ રસમાં સ્વાદનુસાર મીઠુ અથવા તો સંચળ પાઉડર મિક્સ કરી લો. તો તૈયાર છે કાકડી અને ફૂદીનાનો જ્યૂસ.

જાણો આ જ્યૂસની સામગ્રી શરીરમાં કેવી રીતે કરે છે ફાયદો

ખીરા કાકડી
મેદસ્વી માટે કાકડી અતિ ઉપયોગી સાબિત થઈ છે. ખીરા કાકડીમાં કેલેરી બહુ જ ઓછા પ્રમાણમાં હોય છે જેથી કરીને તે વજન ઘટાડવામાં ખૂબ જ ઉપયોગી સાબિત થાય છે.

આદુ
આદુ માત્ર ખાવામાં કે ચાનો સ્વાદ વધારવા પૂરતું જ ઉપયોગી છે એવું નથી પરંતુ આદુના અનેક અન્ય સ્વાસ્થ્ય ફાયદા પણ છે. આદુના અદભુત ગુણોને કારણે અનેક ઔષધીઓમાં આદુનો ઉપયોગ કરવામાં આવે છે અને આયુર્વેદમાં આદુના ફાયદા વિશે ઘણું બધું જણાવવામાં આવ્યું છે. આમ તો શિયાળામાં આદુનો ભરપૂર ઉપયોગ કરવામાં આવે છે પરંતુ ઉનાળામાં પણ આદુ એટલું જ ગુણકારી હોય છે. આદુમાં કેલ્શિયમ, ફોસ્ફરસ, આયરન, મેગ્નેશિયમ, કોપર, ઝિંક વગેરે મિનરલ હોય છે જે હેલ્થ માટે પણ ખૂબ જ ફાયદાકારક છે.

લીંબુ
લીંબુને ગુણોની ખાણ માનવામાં આવે છે. સાથે જ લીંબુ એક એવું ફળ છે જે ઝડપથી વજન ઘટાડવામાં મદદ કરે છે. એવામાં જો તમે દિવસમાં બે કે ત્રણવાર લીંબુ પાણી પીશો તો આખા દિવસમાં અઢળક કેલરી બર્ન કરી શકો છો.

ફુદીનો
કોઇ પણ વાનગીમાં ફુદીનાનું થોડું પ્રમાણ ઉમેરતાં એનો ટેસ્ટ ફ્રેશ બની જાય છે અને આ જ રીતે ફુદીનાના ગુણો હેલ્થ માટે પણ એકદમ બેસ્ટ છે.