આઝાદ ભારતના ઇતિહાસમાં પહેલીવાર કોઇ મહિલાને ફાંસી થવા જઇ રહી છે.
મહિલાને આપવામાં આવી ફાંસીની સજા
2008માં આચરવામાં આવ્યો હતો ગુનો
રાષ્ટ્રપતિએ દયાની અરજી કરી રદ્દ
ભારત આઝાદ થયો ત્યારથી કોઇ ને કોઇ ગુના હેઠળ પુરુષોને ફાંસી આપવામાં આવી છે પરંતુ ક્યારેય એવો કિસ્સો સામે નથી આવ્યો કે કોઇ મહિલાને ફાંસી આપવામાં આવે. હવે ઇતિહાસ બદલાશે કારણકે આઝાદ ભારતમાં મહિલાને ફાંસી અપાવાની છે.
ક્યાં અપાશે ફાંસી
મથુરા સ્થિત ઉત્તરપ્રદેશના એક માત્ર મહિલા ફાંસીઘરમાં અમરોહાની શબનમને મોતની સજા આપવામાં આવશે. જેના માટે તૈયારીઓ શરૂ કરી દેવામાં આવી છે. નિર્ભયાના આરોપીઓને ફાંસી પર લટકાવનાર મેરઠના પવન જલ્લાદ બે વાર ફાંસીઘરનું નિરીક્ષણ કરી ચૂક્યા છે. ફાંસીની તારીખ હજુ સુધી ફિક્સ થઇ નથી.
કેમ આપવામાં આવશે ફાંસી
અમરોહાની શબનમે એપ્રિલ 2008માં પોતાના પ્રેમી સાથે મળીને પરિવારના સાત સભ્યોની કુહાડીથી નિર્દયી હત્યા કરી હતી. આ મામલે સુપ્રીમ કોર્ટે શબનમને ફાંસીની સજા સંભળાવી હતી. રાષ્ટ્રપતિએ પણ તેની દયાની અરજી રદ્દ કરી દીધી છે. આઝાદી બાદ શબનમ પહેલી મહિલા આરોપી હશે જેને ફાંસી આપવામાં આવી રહી છે.
આજ સુધી કોઇ મહિલાને ફાંસી નથી થઇ
મહત્વનું છે કે મથુરાની જેલમાં 150 વર્ષ પહેલા મહિલા ફાંસીઘર બનાવવામાં આવ્યું હતુ પરંતુ આઝાદી બાદ કોઇ પણ મહિલાને ફાંસી આપવામાં આવી નથી. વરિષ્ઠ જેલ અધિક્ષક શૈલેન્દ્ર કુમારે કહ્યું કે હજુ ફાંસીની તારીખ ફિક્સ થઇ નથી. ડેથ વોરંટ આવતાની સાથે જ શબનમને ફાંસી પર ચડાવી દેવામાં આવશે.
બિહારથી આવશે રસ્સો
જેલ અધિક્ષક પવન જલ્લાદને બે વાર ફાંસીઘરનું નિરીક્ષણ કરવા મોકલવામાં આવ્યા હતા. તેને તખ્તામાં કમી દેખાઇ હતી જેના કારણે બિહારના બક્સરથી ફાંસીની રસ્સી મંગાવવામાં આવી છે. જો અંતિમ સમયમાં કોઇ અડચણ નહી આવે તો શબનમ આઝાદી બાદ પહેલા મહિલા હશે જેને ફાંસી થશે.