ઓક્સફર્ડની કોરોનાની વેક્સીનનું હવે 6-17 વર્ષના બાળકો પર ટ્રાયલ શરૂ થશે.
ઓક્સફર્ડની કોરોના વેક્સીન બાળકો પર શરૂ કરશે ટ્રાયલ
6-17 વર્ષના બાળકો પર કરાશે ટ્રાયલ
કંપની કોવિશિલ્ડના નામે વેક્સીન તૈયાર કરી ચૂકી છે
ઓક્સફર્ડ યુનિવર્સિટીની પહેલીવારની કોશિશ છે કે તેઓ બાળકો પર કોરોના વેક્સીનનું ટ્રાયલ શરૂ કરી રહી છે. ઓક્સફર્ડ યુનિ. અને ફાર્મા કંપની એસ્ટ્રાજેનેકા દ્વારા વિકસિત કરાયેલી આ વેક્સીનમાં ભારતની સીરમ ઈન્સ્ટીટ્યુટ પાર્ટનર રહ્યું છે. સીરમ ઈન્સ્ટીટ્યૂટ આ વેક્સીનને કોવિશિલ્ડના નામે વેચી રહી છે. બાળકો પર કોઈ પણ કોરોના વેક્સીનનું આ પહેલું ટ્રાયલ હશે.
આ ઉંમરના બાળકોને ટ્રાયલમાં કરાશે સામેલ
મળતી માહિતી અનુસાર આ વેક્સીનના ટ્રાયલની જાહેરાત શનિવારે થઈ હતી. યુનિ. ની તરફથી કહેવાયું છે કે 6-17 વર્ષના લોકોના 300 વોલેન્ટિયર્સને રજિસ્ટ્રેશન કરવા કહ્યું છે. ઉલ્લેખનીય છે કે દુનિયાના દેશોમાં કોરોના વેક્સીન પ્રોગ્રામના આધારે મોટી ઉંમરના લોકો અને ફ્રન્ટલાઈન વર્કર્સને વેક્સીન આપવામાં આવી રહી છે. નવા સ્ટ્રેનની ઝપેટમાં આવેલા યૂનાઈટેડ કિંગડમમાં પણ ઝડપથી ફ્રન્ટલાઈન વર્કર્સની સાથે મોટી ઉંમરના લોકોને વેક્સીન આપવામાં આવી રહી છે.
વિશ્વ સ્વાસ્થ્ય સંગઠને ઉપયોગની આપી મંજૂરી
પહેલા માહિતી મળી હતી કે વિશ્વ સ્વાસ્થ્ય સંગઠને ઓક્સફર્ડ- એસ્ટ્રાજેનેકાની વેક્સીનને મોટા પાયે ઉપયોગની મંજૂરી આપી છે. આ સાથે આ વેક્સીનને મોટી ઉંમરના લોકોને માટે પણ સુરક્ષિત ગણાવાઈ હતી. પેનલે કહ્યું કે આ વેક્સીનના 2 ડોઝ લેવા જરૂરી છે. આ 2 ડોઝ વચ્ચે 8-12 અઠવાડિયાનું અંતર જરૂરી છે.