સફળતા / ભારતના વૈજ્ઞાનિકોની જોરદાર સફળતા : કોરોના મુદ્દે એક જ કલાકમાં એવી ટેકનિક શોધી કે દુનિયામાં કોઈ નથી કરી શક્યું 

• વૈજ્ઞાનિકોએ પહેલી વખત કાગળના માધ્યમથી મ્યૂટેશન શોધવાની ટેકનિક વિકસાવી 
• રેપિડ વે‌રિઅન્ટ ડિટેક્શન ટેક્નોલોજી વિકસાવી
• 30 હજાર સેમ્પલની સિક્વન્સિંગ થઇ શકી

જિનોમ સિક્વન્સિંગ વિજ્ઞાનમાં ભારતના વૈજ્ઞાનિકોને અત્યાર સુધીમાં મોટી સફળતા મળી છે. વૈજ્ઞાનિકોએ દુનિયામાં પહેલી વાર કાગળના માધ્યમથી માત્ર એક કલાકમાં કોરોના વાઈરસ મ્યૂટેશનને શોધવાની ટેકનિક વિકસાવી છે, જેને ફેલુદા રે (આરએવાય) નામ આપ્યું છે. ગયા વર્ષે ફેલુદા નામથી જ એક ટેસ્ટિંગ કિટ તૈયાર કરવામાં આવી હતી, જે અનેક રાજ્યોમાં વપરાઈ રહી છે.

રેપિડ વે‌રિઅન્ટ ડિટેક્શન ટેક્નોલોજી વિકસાવી
સીએસઆઈઆરની નવી દિલ્હી સ્થિત આઈજીઆઈબી સંસ્થાના વૈજ્ઞાનિકોએ આ જાન્યુઆરીથી મે વચ્ચે રેપિડ વે‌રિઅન્ટ ડિટેક્શન ટેક્નોલોજી વિકસાવી છે. સામાન્ય રીતે એક સેમ્પલની જિનોમ સિક્વન્સિંગમાં ઘણો લાંબો સમય અને પૈસા વપરાયા છે. જે માટે ઉચ્ચ સ્તરની લેબ પણ જોઈએ છે, જેની ભારતમાં અછત છે ત્યારે 10 લેબમાં સિક્વન્સિંગ ચાલી રહી છે. જ્યારે હાલમાં જ 17 અન્ય લેબમાં શરૂ થઈ છે. જિલ્લા સ્તર પર સિક્વન્સિંગની સુવિધા નથી. સ્થિતિ એ છે કે દેશમાં 37 કરોડથી વધારે સેમ્પલની તપાસ થઈ પણ જેમાંથી ફક્ત 30 હજાર સેમ્પલની સિક્વન્સિંગ થઇ શકી છે. આ સ્થિતિ ત્યારે છે જ્યારે બીજી લહેરમાં અત્યાર સુધી ડેલ્ટા સહિત અને ગંભીર વેરિઅન્ટ દેશની સામે છે.

રીડ આઉટને પેપર સ્ટ્રિપ્સના માધ્યમથી પૂરું કર્યું
સિક્વન્સિંગ માટે એફએનસીએસ-9 નામની એક ટેક્નોલોજી છે. જેના માધ્યમથી વૈજ્ઞાનિકોએ આરએનએથી એસએનવીને જાણ્યા અને ઓળખ્યા બાદ રીડ આઉટને પેપર સ્ટ્રિપ્સના માધ્યમથી પૂરું કર્યું. આ પ્રક્રિયામાં લગભગ એક કલાક લાગ્યો. ત્યારબાદ અમે ડેલ્ટા સહિત ગંભીર મ્યૂટેશનને શોધ્યો. આ ટેક્નોલોજી સૌથી સરળ અને સહેલી છે, જે જિનોમ સિક્વન્સિંગને લઈ દેશમાં મોટું પરિવર્તન કરી શકે છે