76મા સ્વતંત્રતા દિવસે એક અદ્દભુત ઘટના બની છે અને સ્વતંત્રતા દિવસના રાષ્ટ્રજોગ પ્રવચનમાં પ્રધાનમંત્રી મોદીએ તેનો ખાસ ઉલ્લેખ કર્યો હતો.
76મા સ્વતંત્રતા દિવસે ભારતમાં પહેલી વાર બની ઘટના
સ્વદેશી તોપથી અપાઈ સલામી
અત્યાર સુધી આઝાદી દિવસે વિદેશી તોપથી અપાતી હતી સલામી
પીએમ મોદીએ આઝાદી દિવસના ભાષણમાં કર્યો ઉલ્લેખ
76મા આઝાદી દિવસે ભારતે એક મોટી સિદ્ધિ હાંસલ કરી છે. 75 વર્ષથી દેશમાં આઝાદી દિવસે વિદેશી તોપથી સલામી આપવામાં આવતી હતી પરંતુ પહેલી વાર 76મા આઝાદી દિવસે સ્વદેશી તોપથી સલામી આપવામાં આવી હતી.
For the first time in 75 years, made-in-India gun has been used for ceremonial gun salute from Red Fort: PM Modi
પીએમ મોદીએ તેમના રાષ્ટ્રજોગ પ્રવચનમાં આ વાતનો ઉલ્લેખ કર્યો હતો. પીએમ મોદીએ કહ્યું કે 75 વર્ષમાં પહેલી વાર લાલ કિલ્લા પરથી ગન સેલ્યુટ આપવા માટે ભારતમાં બનેલી ગનનો ઉપયોગ કરવામાં આવ્યો છે.
21 સ્વદેશી તોપથી અપાઈ સલામી
આઝાદીનાં અમૃત પર્વ એટલે કે 75મા સ્વતંત્રતા દિવસના અવસર પર આ વર્ષે લાલ કિલ્લા પર આઝાદીની ઉજવણી પણ ખૂબ જ ખાસ રહેશે. લાલ કિલ્લાની કિલ્લા પરથી પહેલી વાર 21 સ્વદેશી તોપથી સલામી અપાઈ હતી. અત્યાર સુધી બીજા વિશ્વયુદ્ધની બ્રિટિશ પાઉન્ડર-ગનથી 21 તોપોની સલામી આપવામાં આવતી હતી. આ વર્ષે પ્રથમ વખત, લાલ કિલ્લા પર સ્વતંત્રતા દિવસની ઉજવણીમાં, વડાપ્રધાનને સ્વદેશી આર્ટિલરી બંદૂક 'અટેગ' 21 તોપોની સલામી આપવામાં આવશે.
સ્વદેશી તોપની વિશેષતા
આ વર્ષે લાલ કિલ્લા પર 21 તોપોની સલામીમાં છ બ્રિટિશ પાઉન્ડર ગન સાથે સ્વદેશી 'અટેગ' તોપનો ઉપયોગ કરાયો હતો. ડીઆરડીઓ દ્વારા ટાટા અને ભારત-ફોર્જ કંપનીઓ સાથે મળીને એડવાન્સ્ડ ટોવ્ડ આર્ટિલરી ગન સિસ્ટમ (એટીએજીએસ અથવા એટેગ સિસ્ટમ) વિકસાવવામાં આવી છે. 155 x 52 કેલિબરની આ ATAGS ગન લગભગ 48 કિમીની રેન્જ ધરાવે છે અને તે ટૂંક સમયમાં ભારતીય સેનાની આર્ટિલરીનો ભાગ બનવા જઈ રહી છે. વર્ષ 2018માં રક્ષા મંત્રાલયે સેના માટે 150 અટાગ ગન ખરીદવાની મંજૂરી આપી હતી. સંરક્ષણ મંત્રાલયના જણાવ્યા અનુસાર, લાલ કિલ્લામાં અસલી બંદૂકમાંથી ફાયરિંગ ઔપચારિક હશે. આ માટે તોપ અને શંખના અવાજને 'કસ્ટમાઇઝ' કરવામાં આવ્યા છે.