આવકવેરા વિભાગના આંકડા અનુસાર નાણાકીય વર્ષ 2000-01થી લઈને 2019-20 સુધી દર વર્ષે કોર્પોરેટ ટેક્સના મુકાબલે સામાન્ય લોકોની ટેક્સ ચુકવણીમાં ભાગીદારી ઓછી રહી છે.
21 વર્ષનો ઐતિહાસીક રેકોર્ડ તોડ્યો
21 વર્ષમાં પહેલી વખત બન્યું આવું
2020-21માં કુલ ડાયરેક્ટ ટેક્સ કલેક્શન 9.45 લાખ કરોડ રૂપિયા
ડાયરેક્ટ ટેક્સ કલેક્શનના મોર્ચા પર મોદી સરકારે 21 વર્ષનો ઐતિહાસીક રેકોર્ડ તોડી નાખ્યો છે. હકીકતે પહેલા એવું બનતુ હતું કે ડાયરેક્ટ ટેક્સ કલેક્શનમાં કંપનીઓની ભાગીદારી વધારે રહેતી હતી પરંતુ 21 વર્ષમાં પહેલી વખત એવું બન્યું છે કે જ્યારે સામાન્ય લોકોની ભાગીદારી કંપનીઓના મુકાબલે ખૂબ ઝડપથી વધી છે. ઈનકમ ટેક્સ વિભાગના આંકડા અનુસાર, નાણાકીય વર્ષ 2020-21માં કુલ ડાયરેક્ટ ટેક્સ કલેક્શન 9.45 લાખ કરોડ રૂપિયા રહી છે. તેમાં કોર્પોરેટ ટેક્સ કલેક્શન 4.57 લાખ કરોડ રૂપિયાનો હતો જ્યારે પર્સનલ ઈનકમ ટેક્સ કલેક્શન 4.69 લાખ કરોડ રૂપિયા રહ્યો છે. જ્યારે અન્ય ટેક્સ 16,927 કરોડ રૂપિયા રહ્યો છે.
ઈતિહાસના આંકડા પર નજર કરીએ તો શરૂઆતથી જ તે જોઈ શકાય કે ટેક્સમાં કોરપોરેટની ભાગીદારી વધારે રહી છે. સરકારી આંકડા અનુસાર નાણાકીય વર્ષ 2000-01માં કુલ ડાયરેક્ટ ટેક્સ કલેક્શન 68,305 કરોડ રૂપિયા હતો. તેમાં કોર્પોરેટ ટેક્સ કલેક્શન 35,696 કરોડ રૂપિયા, પર્સનલ ઈનકમ ટેક્સ કલેક્શન 31,764 કરોડ રૂપિયા અને અન્ય ટેક્સ કલેક્શન 31,764 કરોડ રૂપિયા હતો.
આ રીતે બદલાઈ ગઈ પરિસ્થિતિ
આવક વેરા વિભાગના આંકડા અનુસાર નાણાકીય વર્ષ 2000-01થી લઈને 2019-20 સુધી દર વર્ષે કોર્પોરેટ ટેક્સના મુકાબલે સામાન્ય લોકોની ટેક્સ ભાગાદારી ઓછી રહી છે. પરંતુ નાણાકીય વર્ષ 2020-21માં આવું પહેલી વખત થયું છે જ્યારે કોર્પોરેટ ટેક્સ કલેક્શન 4.57 લાખ કરોડ રૂપિયા રહ્યો. જ્યારે આ સમયે ઈનકમ ટેક્સ કલેક્શન 4,69 લાખ કરોડ રૂપિયાનો રહ્યો છે. વર્ષ 2014માં જ્યારે મોદી સરકારે સત્તા સંભાળી હતી ત્યારે કોર્પોરેટ ટેક્સના આંકડા 4.28 લાખ કરોડ હતા. જ્યારે ઈનકમ ટેક્સ ફક્ત 2.65 લાખ કરોડનો હતો.
સામાન્ય માણસની ભાગીદારી વધી
ગયા વર્ષોના મોદી સરકારના રેકોર્ડને જોઈએ તો આ 7 વર્ષોમાં પહેલી વખત થયું છે જ્યારે કોરોના બાદ પણ સામાન્ય માણસનું ટેક્સ કલેક્શન કોર્પોરેટના ઉપર ભારે પડ્યું હોય. જોકે કોરોનાના કારણે નાણાકીય વર્ષ 2020-21ના કુલ ટેક્સ કલેક્શનમાં કમી પણ નોંધાઈ છે. પરંતુ કોરોના હોવા છતાં લોકોએ ટેક્સ ભરવાની પોતાની જવાબદારી નિભાવી છે.