મનોરંજન / 'અરે આનો બાપ તો બસંતી છે..' કપિલ શર્મા શોના આ એક્ટરના દીકરાની લોકો આ રીતે ઉડાવતા મજાક

• અલી અસગરના દીકરાને શાળામાં ટ્રોલ કરવામાં આવતો 
• અલી અસગરના દીકરા લોકો કહેતા કે અરે આનો બાપ તો બસંતી છે,
• મારો દીકરો બોલ્યો કે આવું જ શા માટે કરો છો? તમને બીજું કશું નથી આવડતું

કપિલ શર્માના શો માં દાદીનો કિરદાર નિભાવીને દરેક લોકોના માનસપટ પર એક અલગ છાપ ઊભી કરનાર અલી અસગરને આપણે બધા ઓળખી છીએ. અલી છેલ્લા એક દાયકાથી  અલગ અલગ પાત્રો ભજવીને કોમેડી કરી રહ્યો છે અને હાલ અલી અસગર ઝલક દિખલા જા 10 ના સ્ટેજ પર ડાન્સ કરતો જોવા મળ્યો હતો. લગભગ બધા લોકો અલી અસગરને તેને નિભાવેલ દાદીના પાત્રથી યાદ કરે છે. તમને જણાવી દઈએ કે અલી અસગરને એ પાત્ર નિભાવવા માટે ઘણો પ્રેમ મળ્યો હતો પણ આ પાત્રને કારણે તેના દીકરાને ઘણી પરેશાનીનો સામનો કરવો પડ્યો હતો. તેના નિભાવેલ આ પાત્રને કારણે તેના પુત્રને શાળામાં ટ્રોલ કરવામાં આવ્યો હતો. 

ઈમોશનલ થયા અલી અસગર 
ઝલક દિખલા જા 10માંથી બહાર થયા પછી અલીએ મીડિયા સાથે વાત કરી હતી અને સાથે જ થોડા ઇમોશલ કિસ્સાઓ શેર કર્યા હતા. અલીએ જણાવ્યું હતું કે કોમેડી શોમાં તેના દ્વારા ભજવવામાં આવેલ મહિલા પાત્રોએ તેના બાળક માટે મુશ્કેલી ઊભી કરી દીધી હતી. અલી ઈમોશનલ થતાં બોલ્યા હતા કે 'મારા બાળકોને સ્કૂલમાં ચીડવવામાં આવતા હતા. હું એટલા માટે જ દાદીનું પાત્ર ભજવવા પર વિચારી કરી રહ્યો હતો. મારા બાળકો ચોથા અને પાંચમા ધોરણમાં હતા અને તેમને શાળામાં ચીડવવામાં આવતા હતા.'

મારો દીકરો બોલ્યો કે તમને બીજું કશું નથી આવડતું
અલી એ આગળ કહ્યું હતું કે, 'મેં એકવાર બસંતીનો રોલ પ્લે કર્યો હતો અને એ પછી મારા બાળકોને કહેવામાં આવ્યું - અરે આનો બાપ તો બસંતી છે, આમની બે બે મા છે. થયું એવું કે એક શનિવારે અમે સાથે ડિનર કરી રહ્યા હતા અને એ સમયે ટીવી પર મારા આવનાર શોની એનાઉસમેન્ટ થઈ કે હું વહુ બનીને આવીશ અને એ સમયે જ મારો દીકરો અચાનક ઊભો થયો અને બોલ્યો કે તમને બીજું કશું નથી આવડતું? મારો બાળક મને પૂછે છે કે શું હું બીજું કઈં કામ નથી કરી શકતો? મને બીજું કશું નથી આવડતું? અને એ પછી એમને મને કહ્યું હતું કે તેને શાળામાં ચીડવવામાં આવતો હતો કારણકે હું ટીવી પર સ્ત્રીના પાત્ર ભજવતો હતો.'

Ali Asgar ki beti ke pyaare shabdon ne kar diya unki aankhon ko nam. 🥹

Dekhiye #JhalakDikhhlaJaa har Sat-Sun, raat 8 baje, sirf #Colors par. Anytime on @justvoot.@PypAyurved@MadhuriDixit #NoraFatehi @karanjohar @ManishPaul03@kingaliasgar pic.twitter.com/CqrMJxItCg

— ColorsTV (@ColorsTV) September 16, 2022

લોકો મને નામર્દ કહેતા 
અલીએ આગળ કહ્યું હતું કે 'મેં એ દિવસે તો બધુ ઇગ્નોર કર્યું પણ આવતા રવિવારે ફરી એકવાર હું સ્ત્રીના ડ્રેસઅપમાં દેખાયો. એ દિવસએ મારો દીકરો કંઈ ન બોલ્યો પણ જમતા જમતા ટેબલ પરથી ઊઠીને ચાલતો થઈ ગયો હતો. એ દિવસે મેં નક્કી કર્યું કે હવે હું સ્ત્રીનું પાત્ર ક્યારેય નહીં ભજવું. અને તમે માનશો નહીં પણ જ્યારથી મએ આવું નક્કી કર્યું ત્યારથી મારી પાસે કોઈ કામ નહતું બચ્યું. મને 9 મહિના સુધી આવા જ કામ મળતા રહ્યા અને હું દરેક કામને ના કહેતો રહ્યો.  હું એક કલાકાર છું. હું આવા રોલ કરું છું અને એવું નથી કે મેં બીજું કોઈ પાત્ર ભજવ્યું નથી પરંતુ જ્યારે મેં કોમેડી કરવાનું શરૂ કર્યું ત્યાર થી મને તેમાં ઢાળવામાં આવ્યો છે. હું ટ્રોલ પણ થયો છું અને મારા વિશે લોકોએ ઘણું ઊલટું પણ લખ્યું છે... લોકો મને નામર્દ, બેશરમ પુરુષ બની જા આવું કહીને ટ્રોલ કરતાં પણ મેં હંમેશા આ વાતોની અવગણના કરી હતી'