ભારે કરી! / Olaને બેદરકારી પડી ભારે, કોર્ટે ગ્રાહકને 95,000નું વળતર આપવાનો કર્યો આદેશ, જાણો શું છે સમગ્ર મામલો

• Olaને બેદરકારી પડી ભારે 
• કોર્ટે ગ્રાહકને 95,000નું વળતર આપવાના આપ્યા આદેશ 
• જાણો શું છે સમગ્ર મામલો 

કેબ એગ્રીગેટર કંપનીઓ ઓલા અને ઉબેર દ્વારા ઓવરચાર્જ કરવાના કિસ્સાઓ વધી રહ્યા છે. હૈદરાબાદની ક્નઝ્યુમર કોર્ટે આવી જ એક ઘટના પર સુનાવણી હાથ ધરી હતી. ત્યાં જ ઓલા કેબ્સને ગ્રાહક પાસેથી વધુ ચાર્જ લેવા અને સર્વિસ બરાબર ન આપવા માટે 95 હજાર રૂપિયા ચૂકવવાનો નિર્દેશ આપવામાં આવ્યો છે. 

ફરિયાદી જાબેઝ સેમ્યુઅલે હૈદરાબાદ ડિસ્ટ્રિક્ટ કન્ઝ્યુમર ડિસ્પ્યુટ્સ રિડ્રેસલ કમિશન પાસે ઓલા કેબ્સ પાસેથી વળતરની માંગ કરી હતી. તેણે આરોપ લગાવ્યો હતો કે મુસાફરી માટે 861 રૂપિયા ચૂકવવા માટે મજબૂર કરવામાં આવી. તેમ છતાં ડ્રાઇવરે તેને અધવચ્ચે ઉતારી દીધી હતી.

861 રૂપિયાનું આપ્યુ બિલ 
જાબેઝ સેમ્યુઅલે પોતાની ફરિયાદમાં જણાવ્યું હતું કે 19 ઓક્ટોબર 2021ના રોજ કેબ ચાર કલાક માટે બુક કરવામાં આવી હતી. તેમને કેબ ગંદી લાગી. તેણે આરોપ લગાવ્યો કે ડ્રાઈવરે એસી ચાલુ કરવાની પણ ના પાડી દીધી. એટલું જ નહીં તેની સાથે ગેરવર્તન કરવામાં આવ્યું. 

લગભગ 4-5 કિમીનું અંતર કાપ્યા બાદ ડ્રાઈવરે તેમને કારમાંથી નીચે ઉતારી દીધી. " ત્યાર બાદ તેને વૈકલ્પિક માધ્યમોની વ્યવસ્થા કરવી પડી હતી અને અમુક કાર્યક્રમોમાં તેના કારણે ભાગ ન લઈ શકી." ડ્રાઈવરે અધૂરી મુસાફરીના બિલ તરીકે 861 રૂપિયા લીધા હતા. તેને ડ્રાઈવરને પૈસા ન હતા આપવાના કારણ કે તેણે ઓલા મની કૈશ ક્રેડિટ સેવાનો લાભ ઉઠાવ્યો હતો. 

ફરિયાદ પર ન થયું સમાધાન 
જાબેઝ સેમ્યુઅલે કહ્યું કે તેણે ઈમેલ દ્વારા ફરિયાદ કરી હતી. જેના પગલે કસ્ટમર કેર એક્ઝિક્યુટિવ તરફથી ફોન આવ્યો હતો. જેઓ ઉચ્ચ અધિકારીને ટ્રાન્સફર કરવામાં નિષ્ફળ રહ્યા છે. સેમ્યુઅલે કહ્યું કે ઓલાના અધિકારીઓએ વારંવાર ફોન કરીને બિલ ચૂકવવાનું કહ્યું. તેણે જાન્યુઆરી 2022 માં બિલ ચૂકવ્યું, પરંતુ ન્યાય મેળવવા માટે ગ્રાહક કોર્ટનો સંપર્ક કર્યો.

કોર્ટે આપ્યો વળતરનો આદેશ
કોર્ટે ઓલાને વળતર તરીકે રૂ. 88 હજાર અને સુનાવણીના ખર્ચ તરીકે રૂ. 7,000 ચૂકવવા આદેશ આપ્યો હતો. આયોગે તેના માટે 45 દિવસનો સમય નક્કી કર્યો છે. જો કંપની ઓર્ડરનું પાલન નહીં કરે તો તે વ્યાજ ચૂકવવા માટે પણ જવાબદાર રહેશે. Ola કંપનીને મુસાફરીની તારીખથી રિકવરી સુધી વાર્ષિક 12 ટકાના દરે વ્યાજ સાથે રૂ. 861ની રકમ પરત કરવાનો પણ નિર્દેશ આપવામાં આવ્યો છે.