ટ્રાવેલ / 31stની પાર્ટીની મજા વધારી દેશે આ લક્ઝરી ક્રૂઝ, કરી લો આજથી જ પ્લાન

Team VTV 12:01 PM, 30 Nov 19 | Updated: 12:02 PM, 30 Nov 19
For New Year Party Plan Tour At Goa Cruise In December

ડિસેમ્બરમાં ગોવા જતા સહેલાણીઓની સંખ્યા વધી જાય છે, કેમકે અત્યારની સિઝનમાં બીચ પર ક્રિસમસ ન્યૂ યરની પાર્ટી કરવા માટે લોકો પહોંચી જાય છે. જો તમે પણ આ સમયે ગોવા જવાનુ પ્લાનિંગ કરતા હોવ તો આ જગ્યાએ જવાનું ચૂકશો નહીં.

  • ડિસેમ્બરમાં ફરવા માટે બેસ્ટ છે આ જગ્યા
  • ગોવામાં લક્ઝરી ક્રૂઝ આપશે ખાસ મજા
  • ક્રૂઝમાં મળે છે આ અનેક સુવિધાઓ

ગોવામાં ગેલેક્સિયા ગેલેંટે ક્રૂઝની શરુઆત થઇ છે. જેની પર તમે રેસ્ટોરાં, લાઇવ મ્યુઝિક અને બીજી ઘણી વસ્તુઓની મજા માણી શકો છો. આ ક્રૂઝ આ પ્રકારનું પહેલુ ક્રુઝ છે. દેશના સૌથી ફેવરિટ ગણાતા ટુરિસ્ટ ડેસ્ટિનેશન્સમાં ગોવા હંમેશા ટોપ પર રહ્યુ છે. 

GalaxiaGalanteCruise: Source: facebook.com/GalaxiaGalanteCruise/photos

ક્રૂઝમાં મળશે આ સુવિધાઓ

ગોવામાં ગેલેક્સિયા ગેલેંટે ક્રૂઝની શરુઆત થઇ ગઇ છે. આ ક્રૂઝ એવું પહેલુ ક્રુઝ છે જેની પર તમે રેસ્ટોરાં, લાઇવ મ્યુઝિક અને બીજી ઘણી બધી મજા માણી શકો છો. ટુરિસ્ટ્સ માટે તૈયાર કરાયેલા ખાસ કેરળ હાઉસબોટ્સમાંથી એક છે. લક્ઝરી સુવિધાઓથી સુસજ્જ આ ક્રૂઝ પર ત્રણ ડેક હોય છે. એક ડેક નાઇટ ક્લબ માટે હોય છે. પાર્ટી ડેક પર યાત્રિઓ માટે એક બાર, ડાન્સ ફ્લોર, ડીજે બુથ અને લાઇવ બેન્ડ સાથે ઘણુ બધુ હાજર હોય છે. આ ક્રુઝ પર ઇડીએમ, પોપ, હાઉસ અને ટેક્નો મ્યુઝિકની મજા માણી શકાય છે. ક્રૂઝ પર કેટલાક ડીજે પર્ફોમ કરે છે. ક્રૂઝ પર સવાર લોકોને સારું જમવાનું પણ પીરસાય છે. અહીં તમે સ્ટ્રીટ ફુડ, થાઇ, ભારતીય, ચીની અને કોન્ટિનેન્ટલ વ્યંજનોનો આનંદ લઇ શકો છો.

GalaxiaGalanteCruise: Source: facebook.com/GalaxiaGalanteCruise/photos

ડિસેમ્બરમા ગોવા જતા હોય તો અહીં જવાનુ ન ભુલતા

ક્રિસમસ ગોવા ફરવાનો બેસ્ટ ટાઇમ છે. આ દરમિયાન આખું ગોવા રોશનીથી ઝગમગી ઉઠે છે. ઓલ્ડ ગોવાની સજાવટ તો જોવા જેવી હોય છે. ઓલ્ડ ગોવામાં મોટાભાગે ચર્ચ સજાવવામાં આવે છે. સાથે સાથે અહીંની આતશબાજી જોવી એક સપના જેવું છે. ક્રિસમસ અને ન્યૂ યર દરમિયાન અંજુમા બીચ પર રાતથી લઇને સવાર સુધી પાર્ટી ચાલતી રહે છે. તેના કારણે ક્રિસમસ અને ન્યૂ યરની મજા બેવડાઈ જાય છે. નોર્થ ગોવાનુ અપોરા નાઇટ માર્કેટ પણ એવું જ છે.  અહીં લાઇવ મ્યુઝિક પરફોર્મન્સ થતા રહે છે. 

આલેખન - ભૂમિકા ત્રિવેદી

goa Travel cruise New Year Party Christmas ગોવા ટ્રાવેલ પાર્ટી
Loading...

ટૉપ સ્ટોરીઝ

સૌથી વધુ વંચાયેલ

Loading...
બ્રેકિંગ ન્યૂઝ