બોલિવૂડ એક્ટર આયુષ્માન ખુરાના પોતાની ટીમ 'અનેક' સાથે 'ધ કપિલ શર્મા શો'માં જોવા મળશે. આ શોનો પ્રોમો આઉટ થઈ ગયો છે.
કપિલના શોમાં પહોંચી ફિલ્મ 'અનેક'ની સ્ટાર કાસ્ટ
શોનો એક ફની વીડિયો થઈ રહ્યો છે વાયરલ
ફિલ્મની હિરોઈનને નથી ખરબ રિંગણ વિશે
આયુષ્માન ખુરાના આ વીકેન્ડમાં ટીવી શો 'ધ કપિલ શર્મા શો'માં લોકોને હસાવવા આવી રહ્યો છે. અભિનેતા તેની આગામી ફિલ્મ 'અનેક'ના પ્રમોશન માટે તેની ટીમ સાથે શોમાં હાજરી આપશે. કપિલ શર્માને આયુષ્માન સાથે હસતા અને મજાક કરતા જોઈ, તમારો વીકએન્ડ પણ સારો જશે. હાલમાં જ આ શોની એક ઝલક સામે આવી છે. જેમાં તમામ કલાકારો ખૂબ જ મસ્તી કરતા જોવા મળી રહ્યા છે.
કપિલના શોમાં પહોંચી 'અનેક'ની ટીમ
આ વીડિયોની શરૂઆતમાં, કપિલ પૂછી રહ્યો છે કે આયુષ્માન ખુરાનાએ આ ફિલ્મનું શૂટિંગ નોર્થ-ઈસ્ટમાં કર્યું છે, જ્યાં ખૂબ જ ઠંડી છે તો તેમણે ઠંડી કઈ રીતે ભગાવી રજાઈથી કે ચાર ઘૂટ જીવનના લગાવીને.
વધુમાં કપિલ ફિલ્મના નિર્દેશક અનુભવ સિન્હાને પ્રશ્ન પૂછે છે કે જો તમે રીંગણ ખરીદો અને જો તમને મફતમાં કોથમીર ન મળે તો ઘરે આવીને તેનું ભડથું બનાવે કે તેનો પણ કોઈ મુદ્દો બનાવે છે. આ દરમિયાન Andrea Kevichusaએ પૂછ્યું કે રીંગણ શું છે તો કપિલે જે જવાબ આપ્યો તે સાંભળીને તમે પોતાનું હસવું નહીં રોકી શકો.
ફિલ્મમાં આ અંદાજમાં જોવા મળશે આયુષ્માન
તમને જણાવી દઈએ કે, આ ફિલ્મમાં એક્ટર આયુષ્માન ખુરાના અંડર કવર પોલીસમેનના રોલમાં જોવા મળશે. આ ફિલ્મમાં અભિનેતાનો નવો અંદાજ જોવા મળશે. તમે ફિલ્મના ટ્રેલરમાં દમદાર ડાયલોગ સાંભળ્યા હશે અને ત્યારબાદ અનુમાન લગાવવામાં આવી રહ્યું છે કે આયુષ્માનની આ ફિલ્મ પણ લોકોના દિલમાં પોતાનું સ્થાન બનાવી લેશે. તમને જણાવી દઈએ કે 'અનેક'માં આયુષ્માન નોર્થ ઈસ્ટમાં અંડર કવર કોપ બનવા અને ત્યાંના લોકો સાથે થતા ભેદભાવ જેવા ગંભીર મુદ્દાને ઉકેલતો જોવા મળશે.