આ મંદિરમાં દર્શન કરવા માટે પુરૂષોએ ધારણ કરવો પડે છે સ્ત્રીનો વેશ જાણો કારણ

ભારતને સંતોની ભૂમી કહેવામાં આવે છે. અહીં એક કેતાં અનેક એવા ચમત્કારી મંદિર જે તેની વિશેષતાને લઇને સમગ્ર દુનિયામાં પ્રખ્યાત છે. દેશમાં ઘણાં નાના-મોટા એવા મંદિરો પણ છે જ્યાં સ્ત્રીઓને પ્રવેશ નથી મળતો. જ્યારે કેરળમાં એક એવું મંદિર છે જ્યા પુરૂષોને પ્રવેશ નથી મળતો. આ મંદિર પ્રવેશ મેળવવા પુરૂષોને સોળે શણગાર સજવા પડે છે અને સ્ત્રીઓના કરડાં પહેરવા પડે છે. 



કેરળના કોલ્લમ જીલ્લામાં આવેલું મંદિર કોત્તાનકુલાંગરા દેવીનું છે. આ મંદિરના નિયમો અનુસાર અહીં માત્ર મહિલાઓ અને કિન્નરોને જ પ્રવેશ મળે છે. જ્યારે પુરૂષોને પ્રવેશ માટે સ્ત્રીનો વેશ ધારણ કરવો પડે છે. જેથી પુરૂષો સ્ત્રીનો વેશ ધારણ કરીને આ મંદિરના નિયમ અનુસાર પ્રવેશ મેળવે છે. 



આ મંદિરમાં દરવર્ષે ચામ્યાવિલક્કુનો પર્વ મનાવવામાં આવે છે. જેમાં ભાગ લેવા દુર-દુરથી હજારોની સંખ્યામાં લોકો આવે છે. મંદિરમાં પ્રવેશ માટે પુરૂષોને માત્ર સ્ત્રીઓના કપડાં જ નહીં પણ સોળ શણગાર સજવા પડે છે. માથામાં ગજરો પણ લગાવવો પડે છે. 



મંદિરમાં પ્રવેશ મેળવવા માટે પુરૂષોને શણગાર સાથે મેકઅપ પણ કરવું પડે છે. અહીં દરેક ઉમરનો પુરૂષ હોય પછી ભલે તે બાળક હોય કે વૃધ્ધ બધાએ સ્ત્રીની જેમ શણગાર સજવો જરૂરી છે.