રેસિપી / કાનૂડાને ધરાવો આ અલગ ખીરનો પ્રસાદ, સરળ છે રેસિપી

તમે કાનૂડાને પ્રસાદમાં ચોખાની ખીર ધરાવીને કંટાળ્યા હોવ તો ટ્રાય કરી લો ટેસ્ટમાં બેસ્ટ અને હેલ્થ માટે લાભદાયી એવી ખજૂરની ખીર.  અમે તેની એક સિમ્પલ રેસિપી આપને આપી રહ્યા છીએ. જેનાથી તમે એક સુંદર પ્રસાદ કાનૂડાને ધરાવી શકશો. 

સામગ્રી

1 કપ ફોલેલા ખજૂર
દોઢ લીટર ઉકાળેલું દૂધ
એક ચમચી ઘી
2 નંગ ઝીણી સમારેલી ખજૂર
4 નંગ સમારેલા કાજુ
4 નંગ કતરેલી બદામ 
4 નંગ કતરેલા પિસ્તા 
થોડો ઇલાયચી પાઉડર

બનાવવાની રીત

સૌ પહેલાં થોડું દૂધ લો અને તેમાં ખજૂરને થોડી વાર પલાળી રાખો. હવે એક પૅનમાં ઘી ગરમ કરો. તેમાં સમારેલા કાજુ, બદામ, પિસ્તા અને એક ચમચી સમારેલી ખજૂર નાંખીને શેકી લો. હવે પલાળેલી ખજૂર દૂધ સાથે જ મિક્સરમાં ક્રશ કરી લો. હવે બીજા વાસણમાં દૂધ ગરમ કરો. દૂધને ધીમા તાપે ઉકાળી લો. હવે તેમાં ક્રશ કરેલી ખજૂરની પેસ્ટ મિક્સ કરી લો. ખીરને સતત હલાવતા રહો. થોડી વાર પછી ખીર ઘટ્ટ થઈ જાય ત્યારે તેમાં ઘીમાં શેકેલી ખજૂર અને ડ્રાયફ્રૂટ, ઇલાયચી પાઉડર મિક્સ કરીને ડ્રાયફ્રૂટ વડે ગાર્નિશ કરો. તૈયાર છે ખજૂરની ખીર. કાનૂડાને આ પ્રસાદ ધરાવો.