ગર્વ / IIT મદ્રાસ બનશે ગ્લોબલ યુનિવર્સિટી, દુનિયાભરનાં દેશોમાં ખુલશે કોલેજ, સામેથી મળ્યા આમંત્રણ

• IIT મદ્રાસ બનશે ગ્લોબલ યુનિવર્સિટી 
• શ્રીલંકા અને નેપાળથી કેમ્પસ ખોલવાની મળી રિક્વેસ્ટ 
• તંઝાનિયા અને આફ્રીકી દેશો પણ લિસ્ટમાં 

ઈન્ડિયન ઈન્સ્ટીટ્યુટ ઓફ ટેક્નોલોજી મદ્રાસે ગ્લોબલ યુનિવર્સિટી બનાવવા માટે તૈયારી કરી લીધી છે. સરકારે આફ્રીકી દેશો તંઝાનિયામાં IIT મદ્રાસના કેમ્પ્સ ખોલવા પર વિચાર કર્યો છે. સરકારનો ઈરાદો દેશના પ્રીમિયર એન્જિનિયર ઈન્સ્ટીટ્યુટને દુનિયાના મેપ પર સ્થાપિત કરવાનો છે. આ મામલાથી પરિચિત અધિકારીઓએ જણાવ્યા અનુસાર, IIT કાઉન્સિલની સ્થાયી સમિતિના અધ્યક્ષ ડૉ કે રાધાકૃષ્ણનની અધ્યક્ષતા વાળી 16 સદસ્યની સમિતિ દ્વારા એક ડ્રાફ્ટ રિપોર્ટ તૈયાર કરવામાં આવ્યો છે. તેમાં IITને લઈને ભલામણ કરવામાં આવી છે. આ સમિતિ સંભવિત રોડમેપ પર કામ કરી રહી છે. 

NIRE રેન્કિંગમાં IIT મદ્રાસને પહેલું સ્થાન
એક રીપોર્ટ અનુસાર વાતચીતમાં IIT મદ્વાસના ડાયરેક્ટર પ્રોફેસર વી કામકોટીએ જણાવ્યું કે તંઝાનિયા અને અન્ય આફ્રીકી દેશો ઉપરાંત IIT મદ્રાસના શ્રીલંકા અને નેપાળથી પણ કેમ્પસ ખોલવાની રિક્વેસ્ટ મળી છે. ડેટા સાયમ્સ અને આર્ટિફિશિયલ ઈન્ટેલિઝન્સની સાથે સાથે એજન્સી સિસ્ટમ જેવા ક્ષેત્રોમાં કોર્સ શરૂ કરવા માટે રિક્વેસ્ટ કરવામાં આવી છે. 

અહીં ધ્યાન આપવા જેવી બાબત એ છે કે જાહેર NIRE રેન્કિંગમાં IIT મદ્રાસને પહેલું સ્થાન મળ્યું હતું. આ કારણે ઘણા દેશ એન્જિનિયરિંગ ઈન્સ્ટીટ્યુટના કેમ્પસ પોતાના ત્યાં ખોલવા માટે તૈયાર છે. 

IIT Madrasના આ કોર્સની થઈ રહી છે માંગ 
પ્રોફેસર કામકોટીએ કહ્યું, “IIT મદ્રાસ વિદેશમાં કેમ્પસ ખોલવા માટે તંન્ઝાનિયા સહિત ઘણા દેશો સાથે ચર્ચા કરી રહી છે. અમે આમાંના ઘણા સ્થળોએ કેમ્પસ ખોલવાનું વિચારી રહ્યા છીએ. માઈનિંગ પ્રોગ્રામ્સ આફ્રિકન દેશો માટે ખૂબ જ મહત્વપૂર્ણ છે. 

દરેક જગ્યાએ ડેટા સાયન્સ કોર્સની માંગ છે. હાલમાં, વ્યક્તિગત આઈઆઈટીએ વિદેશમાં પ્રવેશ કરવો જોઈએ કે ઘણી આઈઆઈટીએ એકસાથે આવું કરવાનો પ્રયાસ કરવો જોઈએ તે અંગે ચર્ચાઓ ચાલી રહી છે.

કેમ્પસની માંગ કરતા દેશોના બજારનો અભ્યાસ
IIT મદ્રાસના ડિરેક્ટર પ્રોફેસર કામકોટી રાધાકૃષ્ણન સમિતિના સાત IIT ડિરેક્ટરોમાંના એક છે. કેટલાક દેશોમાં બજારની માંગનો અભ્યાસ કરવાના પ્રયાસો પણ કરવામાં આવી રહ્યા છે. જેમણે ભારતીય સંસ્થાઓના કેમ્પસ સ્થાપવાની વિનંતી કરી છે. 

પ્રોફેસર કામકોટીએ કહ્યું, “અમે જોઈ રહ્યા છીએ કે કયા પ્રકારના કોર્સ ઓફર કરી શકાય. કેમ્પસ વિનંતીઓ પર કેટલાક દેશ-વિશિષ્ટ અભ્યાસક્રમો હોઈ શકે છે. જેમ કે કેટલાક દેશો માટે કેટલાક વિષયો સંબંધિત હોઈ શકે છે. અમે તે દેશોમાં સંભવિતતા, રોજગાર ક્ષમતાના આધારે વિવિધ મોડલ તૈયાર કરીશું.