યુવેંટ્સના સ્ટાર ફૂટબોલર ક્રિસ્ટિયાનો રોનાલ્ડો ફૂટબોલમાંથી થોડાં સમય માટે બ્રેક લઈને ગર્લફ્રેન્ડ જ્યોર્જિયાની સાથે 100 કરોડની પ્રાઈવેટ યૉટ લઈને વેકેશન માણવા માટે નીકળ્યો છે. ત્યારે તેની ગર્લફ્રેન્ડ જ્યોર્જિયાએ રોનાલ્ડો સાથે તેના વેકેશનની રોમેન્ટિક તસવીરો શેર કરી છે.
યુવેંટ્સના સ્ટાર ફૂટબોલર ક્રિસ્ટિયાનો રોનાલ્ડો વેકેશન પર નીકળ્યો
જ્યોર્જિયાએ જે તસવીરો શેર કરી છે તેમાં તે રોનાલ્ડો સાથે સન બાથની મજા માણતી જોવા મળી રહી છે. શેઆ ફોટાના કેપ્શનમાં તેણે લખ્યું, તારા કરતા વધારે જો કોઈ મને પસંદ છે તો તે આપણે છીએ.
રોનાલ્ડોના આ ખાસ યૉટની કિંમત આશરે દોઢ કરોડ રૂપિયા છે. આ યૉટ મીડિયા રૂમ, બેડરૂમ, કસિનો જેવી દરેક મોડર્નસુવિધાઓથી સજ્જ છે. આ યૉટમાં જેટ સાઈસ, પૈડલ બોર્ડ અને વોટર સ્લાઈડ જેવી લક્ઝુરિયસ સુવિધાઓ પણ છે.
કોરોના વાયરસ બાદ પોતાના પ્રદર્શનના કારણે રોનાલ્ડોને સોશિયલ મીડિયા પર ફેન્સના ગુસ્સાનો શિકાર થવું પડ્યું હતું. ફેન્સનું કહેવુ હતું કે, રોનાલ્ડો કરિયર ખતમ થવા તરફ આગળ વધી રહ્યો છે.
જોકે, રોનાલ્ડોએ તમામ ટ્રોલર્સને જવાબ આપતા એક તસવીર શેર કરી અને લખ્યું, ક્યારેય હાર ના માનવી જોઈએ, ના હું ક્યારેય માનીશ. ભવિષ્યમાં આવનારા પડકારો માટે તૈયાર છું.
રોનાલ્ડોની ગર્લફ્રેન્ડ જ્યોર્જિયાની વાત કરીએ તો તે એક મોડલ અને બેલે ડાન્સર છે. માનવામાં આવી રહ્યું છે કે, આ કપલ ટૂંક સમયમાં જ લગ્ન બંધનમાં જોડાઈ જશે. તમને જણાવી દઈએ કે, જ્યોર્જિયા અને રોનાલ્ડોની એક દીકરી છે, જેનો જન્મ 2017માં થયો હતો. તેનું નામ અલાના માર્ટિના છે. જ્યોર્જિયા સાથે રિલેશનને લઈને રોનાલ્ડોએ કહ્યું હતું કે, તે મારી એક સારી ફ્રેન્ડ છે. અમે એકબીજા સાથે વાતો કરતા રહીએ છીએ. અમારી વચ્ચે બધુ જ સહજ છે એટલે જ અમારો સંબંધ આટલો મજબૂત છે.