વધતું વજન આજના સમયમાં એક બહુ જ મોટી સમસ્યા છે. લોકો કંઈપણ કરીને વજન ઉતારવા માંગે છે. અનેક નુસખાઓ, ડાયટિંગ, જીમ ઘણું બધું કર્યા બાદ પણ ઘણાં લોકોનું વજન ઘટતું જ નથી, અથવા તો ફટાફાટ વધી જાય છે. પણ શું તમે જાણો છો કે વજન ન ઉતરે તો તમે ખાલી પેટ સવારે શું ખાઓ છો તેની પર ધ્યાન આપવું.સવારે ખાલી પેટ કેટલીક વસ્તુઓનું સેવન કરવાથી વજન ઘટાડવામાં મદદ મળે છે. સવારનો નાસ્તો દિવસનો સૌથી મહત્વપૂર્ણ મીલ હોય છે. પણ સવારે નાસ્તો કર્યા પહેલાં ખાલી પેટ કેટલીક વસ્તુઓ ખાવાથી ઝડપથી વજન ઘટે છે. ચાલો જાણી લો.
આ 5 વસ્તુઓ ઝડપથી ઘટાડશે વજન
રોજ સવારે ખાલી પેટ લેવાનું નિયમ બનાવો
ઝડપથી અસર કરશે આ ઉપાય
બદામ
બદામમાં વિટામિન ઈ, ફાયબર, ઓમેગા-3 ફેટી એસિડ હોય છે. જેથી સવારે ખાલી પેટ રાતે પાણીમાં પલાળેલી બદામ ખાવાથી શરીરને પોષણ મળે છે અને બદામ વજન ઉતારવામાં પણ મદદ કરે છે.
મધ અને ગરમ પાણી
મધમાં વિટામિન્સ, મિનરલ્સ, ફ્લેવોનોઈડ્સ અને એન્જાઈમ્સ હોય છે. જે પેટને સાફ કરવામાં અને સ્વસ્થ રહેવામાં મદદ કરે છે. ગરમ પાણીની સાથે મધ મિક્સ કરીને સવારે ખાલી પેટ લેવાથી મેટાબોલિઝ્મ બૂસ્ટ થાય છે અને વજન પણ ઘટે છે.
વીટગ્રાસ (ઘઉંના જવારા)નો જ્યૂસ
પોષક તત્વોથી ભરપૂર વીટગ્રાસ ઝડપથી ફેટ ઓછું કરવામાં મદદ કરે છે. પાચનતંત્રને સ્વસ્થ રાખવામાં વીટગ્રાસ જ્યૂસ કારગર છે. જેની મદદથી વજન પણ ફટાફટ ઉતરે છે.
કિસમિસ
કિસમિસમાં સારી માત્રામાં પોટેશિયમ, કેલ્શિયમ અને આયર્ન હોય છે. રાતે કિસમિસને પાણીમાં પલાળીને સવારે ખાવાથી ભૂખ નથી લાગતી અને પેટ ભરેલું રહે છે. જેનાથી ઓવરઈટિંગ થતી નથી અને વજન પણ ઉતારવામાં મદદ મળે છે.
પપૈયું
ખાલી પેટ પપૈયું ખાવાથી બોવેલ મૂવમેન્ટ સારી રીતે થાય છે અને બોડીના બધાં ટોક્સિન્સ બહાર નીકળી જાય છે. આ સિવાયખાલી પેટ પપૈયું ખાવાથી વજન પણ ઉતરે છે.