હાઈ બ્લડ પ્રેશર અથવા હાઈપરટેન્શન શરીરની ગંભીર સમસ્યા છે. જેની તમારા હૃદય પર ગંભીર અસર પડે છે. જેના કારણે હૃદય રોગ અથવા હાર્ટ એટેકની મુશ્કેલી થાય છે. પરંતુ જો તેમાં ખાવા-પીવામાં થોડી ચરી પાડવામાં આવે તો હાઈબીપીની સમસ્યાને અંકુશમાં રાખી શકાય છે.
શું તમે હાઈ બ્લડ પ્રેશરના દર્દી છો?
તો ભૂલથી આ ચીજવસ્તુઓનું ના કરશો સેવન
તમે હાઈ બ્લડ પ્રેશરને નિયંત્રણમાં લાવી શકશો
કેટલીક ચીજ વસ્તુઓને તમારા ડાયટ મેનુમાંથી હટાવી તમે હાઈ બ્લડ પ્રેશરને તમે નિયંત્રણમાં લાવી શકો છો. આ ચીજ વસ્તુઓનું સેવન હાઈ બીપીના દર્દીએ ભૂલથી પણ ના કરવુ જોઈએ.
મીઠાનું સેવન ટાળવુ
હાઈ બીપીના દર્દીએ મીઠાના સેવન પર ખૂબ ધ્યાન આપવુ જોઈએ. તમારે ફક્ત પ્રમાણસર મીઠાનું સેવન કરવુ જોઈએ. કારણકે વધુ માત્રામાં મીઠાનુ સેવન કરવાથી રક્ત વાહિનીઓ સંકોચાઈ જાય છે અને શારીરીક અવયવો સુધી પહોંચતો ઓક્સિજન અને લોહીનો પ્રવાહ ઘટી જાય છે. જેનાથી હાર્ટ પર ગંભીર દબાણ થાય છે.
દારૂ
જે લોકો દારૂ પીવે છે, તેમાં હાઈબીપી થવાની શક્યતાઓ ખૂબ હોય છે. કારણકે દારૂના સેવનથી કેલેરી મળે છે. જેના કારણે અનિચ્છનીય રીતે વજન વધી જાય છે. વધુ વજન હોવાને કારણે હાઈ બ્લડ પ્રેશરની સમસ્યા થઈ શકે છે.
કેફીન
હાઈ બ્લડ પ્રેશરના દર્દીઓને કેફીનનું સેવન ખૂબ સંતુલિત માત્રામાં કરવા માટે કહેવામાં આવે છે. કારણકે તેનુ સેવન કરવાથી બ્લડ પ્રેશર વધવાની શક્યતા વધે છે. અમુક સંશોધન મુજબ, કેફીન શરીરમાં એવા હોર્મોન્સને બ્લોક કરી નાખે છે, જે રક્ત વાહિનીઓને પહોળી રાખવામાં મદદ કરે છે. તો અમુક સંશોધન જણાવે છે કે કેફીનથી adrenalineનું ઉત્પાદન વધી જાય છે, જે બ્લડ પ્રેશર વધવાનું કારણ બની શકે છે.
ચરબીયુક્ત ખોરાક
હાઈબીપીના દર્દીઓ માટે ચરબીયુક્ત ખોરાકનું સેવન નુકસાનકારક હોઈ શકે છે. કારણકે આ ખોરાકથી શરીરમાં ટ્રાઈગ્લિસરાઈડ્સનું સ્તર વધી જાય છે. જેના કારણે વજન પણ વધે છે. વધારે વજન હાઈબ્લડ પ્રેશરની સમસ્યાને પેચીદી બનાવી શકે છે.