જ્યારે ઉંમર વધતી જાય છે ત્યારે તેની અસર પણ આપણાં ચહેરા પર દેખાવા લાગે છે. જો તમે તમારી એજિંગ પ્રોસેસને સ્લો કરવા માંગો છો અને રોગોથી બચવા માંગો છો તો આ 5 સુપડફૂડને તમારી ડાયટમાં સામેલ કરી લો.
હેલ્ધી ડાયટ લેવાથી એજિંગ પ્રોસેસને સ્લો કરી શકાય છે
આ 5 સુપરફૂડમાં છે ભરપૂર ન્યૂટ્રિઅન્ટ્સ
દરેકે હેલ્ધી ફૂડ્સ ડાયટમાં ખાવા જ જોઈએ
ફણગાવેલાં કઠોળ
દિવસ દરમિયાન ઓછામાં ઓછાં એક વાટકી કઠોળ અથવા ફણગાવેલા કઠોળ ખાઓ. વેજિટેરિયન લોકો માટે તે લો-ફેટ પ્રોટીન છે. તેમાં રહેલું ફાઇબર, એન્ટીઓક્સીડેન્ટ, વિટામિન, મિનરલ્સ અને આયર્ન હેલ્ધી રાખે છે. વિટામિન બી અને પોટેશિયમ પણ કઠોળમાં છે. સોયાબીન, રાજમા વગેરે ખાવાથી બ્રેસ્ટ કેન્સર, પ્રોસ્ટેટ કેન્સર સામે રક્ષણ મળે છે.
ચોકલેટ
સૂર્યના યુવી કિરણ જે આપણાં ચહેરા પર પડે છે તેના કારણે સ્કિન ખરાબ થઈને કરચલી પડે છે. આ યુવી કિરણોના નુકસાનથી બચવા ડાર્ક ચોકલેટ, કોકો વગેરેનું સેવન કરો. ઉપરાંત તેનાથી ચહેરા પર આવતા સોજા અને વોટર રિટેન્શન પણ દૂર થાય છે. ડાર્ક ચોકલેટથી સ્કિનમાં મોઇશ્ચર પેદા થાય છે અને તેથી ઉંમર ઓછી દેખાય છે.
શાકભાજી
લીલાં શાકભાજી ભરપૂર એન્ટીઓક્સીડેન્ટ ધરાવે છે અને એજિંગને ધીમું પાડે છે. લીલાં પાંદડાવાળા શાકભાજી, પાલક, મેથી વગેરે ફાયદાકારક છે. વિટામિન અને મિનરલ્સથી ભરેલાં શાકભાજી ભોજનમાં બે વાટકા ખાઓ. તે આંતરડાના કેન્સરને દૂર રાખે છે અને અનેક રોગોથી બચાવે છે.
વિટામિન 'સી'વાળા ફળો ખાવા
સ્ટ્રોબેરી, નારંગી, મોસંબી વગેરે એન્ટીઓક્સીડેન્ટથી ભરપૂર છે. તેમાં આવેલાં ફ્લેવનોઇડ્ઝ શરીરના સેલ્સને રોગથી બચાવે છે. કેન્સર અને ડાયાબિટીસ જેવી બીમારીથી રક્ષણ આપે છે. આંખોની રોશની વધે છે.
નટ્સ
દિવસ દરમિયાન એક મુઠ્ઠી સૂકોમેવો ખાવાથી કોલેસ્ટ્રોલના પ્રોબ્લેમ દૂર થાય છે અને ત્વચા સુંવાળી બને છે. નટ્સમાં અઢળક પોષક તત્વો રહેલાં છે જે આપણાં શરીર, સ્કિન અને વાળ માટે જરૂરી છે. આને નિયમિત ખાવાથી એજિંગ પ્રોસેસ સ્લો થઈ જાય છે અને યુવાની બરકરાર રહે છે.